தேர்தல் என்றால் திமுக -அதிமுக மட்டுமா?.. ஜெயக்குமார் கருத்துக்கு மக்கள் என்ன சொல்றாங்க தெரியுமா?

கால்பந்து என்றால் ரொனால்டோ-மெஸ்ஸி போல தேர்தல் என்றால் அதிமுக- திமுக தான் என்று அமைச்சர் ஜெயக்குமார் பேசியது குறித்து ஒன்இந்தியா வாசகர்களிடம் கேட்கப்பட்டது.

சென்னை: கால்பந்து என்றால் ரொனால்டோ-மெஸ்ஸி போல தேர்தல் என்றால் அதிமுக- திமுக தான் என்று அமைச்சர் ஜெயக்குமார் பேசியது குறித்து ஒன்இந்தியா வாசகர்களிடம் கேட்கப்பட்டது. அதற்கு, அந்த காலமெல்லாம் மாறிவிட்டதாக பெரும்பான்மையான மக்கள் கருத்து தெரிவித்துள்ளனர்.

இது கட்சி தொடங்கும் காலம் என்று சொல்லும் அளவிற்கு தமிழகத்தில் கடந்த சில மாதங்களாக நிறைய கட்சிகள் உருவாகிக் கொண்டே இருக்கிறது. முக்கியாக ரஜினி, கமல் என்று முன்னணி நடிகர்கள் எல்லோரும் அரசியலில் குதித்து இருக்கிறார்கள்.

ஆனால் இத்தனைக்கும் மத்தியில் தேர்தல் என்றால் எப்போதும் திமுகவும், அதிமுகவும் மட்டும்தான், இதற்கு இடையில் வேறு கட்சிகள் போட்டிக்கு வர முடியாது என்று அமைச்சர் ஜெயக்குமார் குறிப்பிட்டார். இதற்கு ஒன்இந்தியா வாசகர்கள் தங்கள் கருத்துக்களை தெரிவித்துள்ளனர்.

கருத்து சரிதான்

நிறைய வாசகர்கள் ''அவரின் கருத்து சரிதான்'' என்று கூறியுள்ளனர். மொத்தமாக 21.44% பேர் ஜெயக்குமார் சொன்ன கருத்து சரிதான் என்ற பதிலை தேர்வு செய்துள்ளனர்.

இப்ப இல்லை

அதேசமயம், கருத்துக் கணிப்பில் கலந்து கொண்டவர்களில் அதிகமாக 36.27% பேர் இந்த விஷயத்தை எதிர்த்து இருக்கிறார்கள். அதெல்லாம் இப்ப இல்லை, எல்லாம் பழைய காலம் என்ற பதிலைத் தேர்வு செய்து வாக்களித்துள்ளனர்.

ஓரளவு உண்மைதான் பாஸ்

சிலர் இந்த விஷயம் பற்றி வேறு விதத்தில் வாக்களித்துள்ளார்கள். அதன்படி ஜெயக்குமார் கூறுவதும் கூட ஓரளவு உண்மைதான் என்று 9% மக்கள் வாக்களித்துள்ளார்கள்.

இது மாறும்

கருத்துக் கணிப்பில் கலந்து கொண்டவர்களில் 33.29% பேர் இந்த விஷயத்திற்கு புதிய கருத்து தெரிவித்து இருக்கிறார்கள். ஜெயக்குமார் சொன்னது உண்மைதான் ஆனால் விரைவில் இது மாறும் என்ற பதிலைத் தேர்வு செய்து வாக்களித்துள்ளனர்.

English summary

OneIndia has done a Poll on people's opinion on Jayakumar view about TN election scenario, in which he said that in Tamilnadu election is all about the battle between ADMK and DMK.