வேட்பாளரை அறிவித்த கையோடு திருமாவளவனுடன் கருணாநிதி, ஸ்டாலின் ஆலோசனை

சென்னை: ஸ்ரீரங்கம் இடைத் தேர்தலுக்கான திமுக வேட்பாளர் பெயர் வெளியான சில நிமிடங்களில் விடுதலைச் சிறுத்தைகள் கட்சித் தலைவர் திருமாவளவன், அண்ணா அறிவாலயம் வந்தார். அங்கு திமுக தலைவர் கருணாநிதி, பொருளாளர் மு.க.ஸ்டாலினைச் சந்தித்தார்.

இவர்களுடன் இடைத் தேர்தல் வியூகம் குறித்தும் திருமாவளவன் ஆலோசனை நடத்தினார்.

திமுக தலைவர் கருணாநிதியை இன்று சந்தித்துப் பேசினார் திருமா. அப்போது திமுக தலைவராக மீண்டும் தேர்ந்தெடுக்கப்பட்டதற்காக கருணாநிதிக்கு அவர் வாழ்த்து தெரிவித்தார். அப்போது திமுக வேட்பாளர் ஆனந்த்துடன், அங்கு மு.க.ஸ்டாலின் வந்தார். இதையடுத்து திமுக வேட்பாளரிடம் தனது வாழ்த்துகளைத் தெரிவித்துக் கொண்டார் திருமாவளவன்.

பின்னர் மு.க.ஸ்டாலினுடன் இடைத் தேர்தல் வியூகம் குறித்து சிறிது நேரம் பேசிக் கொண்டிருந்து விட்டு புறப்பட்டுச் சென்றார் திருமாவளவன்.

English summary

VCK leader Thirumavalavan met DMK chief Karunanidhi and Stalin today and discussed about the Srirangam bye election.