2வது முறையாக களமிறங்கும் கருணாநிதி.. திருவாரூர் மாவட்ட திமுக வேட்பாளர்கள் பயோடேட்டா
சென்னை: திருவாரூர் மாவட்டத்தில் உள்ள 4 தொகுதிகளில் 3ல் திமுக போட்டியிடுகிறது. அதில் திருவாரூர் தொகுதியில் திமுக தலைவர் கருணாநிதி 2வது முறையாக போட்டியிடுகிறார்.
திரூவாரூர் மாவட்ட திமுக வேட்பாளர்களின் பயோடேட்டா.
கருணாநிதி
திருவாரூர் தொகுதியில் 2011 தேர்தலில் முதலில் போட்டியிட்டு வென்றார் கருணாநிதி. தற்போது 2வது முறையாக போட்டியிடுகிறார். இதுவரை 13 சட்டசபைத் தேர்தல்களைச் சந்தித்துள்ள கருணாநிதி அனைத்திலும் வென்றுள்ளார். தற்போது 14வது தேர்தலை சந்திக்கவுள்ளார்.
டிஆர்பி ராஜா
மன்னார்குடி தொகுதியில் போட்டியிடுகிறார் டிஆர்பி ராஜா. இது அவருக்கு 2வது தேர்தலாகும். 2011 தேர்தலிலும் அவர் இத்தொகுதியில் போட்டியிட்டு வென்றார். இவர் முன்னாள் மத்திய அமைச்சர் டிஆர் பாலுவின் மகன் ஆவார்.
ப. ஆடலரசன்
திருத்துறைப்பூண்டி தனித் தொகுதியில் ப. ஆடலரசன் போட்டியிடுகிறார். இவர் குன்னலூர் ஊராட்சி மன்றத் தலைவராக இருக்கிறார். திமுக மாவட்ட விவசாயத் தொழிலாளர் அணி அமைப்பாளராகவும் இருந்து வருகிறார். முதல் முறையாக சட்டசபைத் தேர்தலில் போட்டியிடுகிறார்.