• search
For Quick Alerts
ALLOW NOTIFICATIONS  
For Daily Alerts

ஆட்டுக் கொட்டகையில் புகுந்த புலி - வளைத்துப் பிடித்த வனத்துறையினர்!

|

கூடலூர்: நீலகிரியில் ஆட்டுக் கொட்டகைக்குள் புகுந்த புலியை வனத்துறையினர் லாவகமாக வளைத்துப் பிடித்தனர்.

நீலகிரி மாவட்டம் கூடலூர் தாலுகா முதுமலை ஊராட்சி பாதுகாக்கப்பட்ட வனப்பகுதியில் உள்ளது.

இங்கு முதுகுளி, நாகம்பள்ளி, மண்டக்கரா, நம்பிக்குன்னு, புலியாளம் உள்பட ஏராளமான குக்கிராமங்கள் உள்ளன.

ஆடுகள் வளர்ப்பு:

ஆடுகள் வளர்ப்பு:

நம்பிக்குன்னு கிராமத்தை சேர்ந்த முரளிதரன் என்ற விவசாயி தனது வீட்டில் கொட்டகை அமைத்து 15 ஆடுகள் மற்றும் பசுமாடுகள் வளர்த்து வருகிறார்.

அலறிய ஆடுகள்:

அலறிய ஆடுகள்:

நேற்று முன்தினம் இரவு முரளிதரன், அவரது மனைவி யமுனா மற்றும் குழந்தைகள் ஆகியோர் வீட்டில் தூங்கிக் கொண்டிருந்தனர். விடியற்காலை 4 மணி அளவில் வீட்டின் முன் உள்ள கொட்டகையில் அடைக்கப்பட்டு இருந்த ஆடுகளின் அலறல் சத்தம் கேட்டது.

கொட்டகையில் சத்தம்:

கொட்டகையில் சத்தம்:

இதனால் தூங்கிக்கொண்டிருந்த முரளிதரன், யமுனா ஆகியோர் ஆடுகள் அடைக்கப்பட்டு இருந்த ஆட்டு கொட்டகையை திறந்து பார்த்தனர்.

உள்ளே புலி:

உள்ளே புலி:

அப்போது கொட்டகையின் உள்ளே புலி ஒன்று ஆட்டை அடித்து கொன்று இறைச்சியை தின்றுகொண்டு இருந்தது. இதைப் பார்த்து அவர்கள் அதிர்ச்சி அடைந்தனர். முரளிதரனை கண்டதும் புலி உறுமியது.

அடைக்கப்பட்ட புலி:

அடைக்கப்பட்ட புலி:

ஆட்டு கொட்டகை திறக்கப்பட்டதால் உள்ளே இருந்த ஆடுகள் அலறி அடித்துக்கொண்டு வெளியே ஓடின. உடனே முரளிதரன் ஆட்டு கொட்டகையை அடைத்தார். மேலும் புலி கொட்டகையை விட்டு வெளியே சென்று விடாமல் இருக்க வலைகளை போட்டு மூடினார்.

வனத்துறையினர் வியூகம்:

வனத்துறையினர் வியூகம்:

தகவல் அறிந்து வந்த வனத்துறையினர் கொட்டகைக்குள் இருந்த புலியை பிடிக்க வியூகம் வகுத்தனர். அதன்படி இரும்பு கூண்டு கொண்டு வரப்பட்டு ஆட்டு கொட்டகையின் வாசலில் வைக்கப்பட்டது.

காயங்கள் அதிகம்:

காயங்கள் அதிகம்:

பின்னர் கொட்டகையின் கதவை வனத்துறையினர் திறந்தனர். ஆனாலும் புலி எழுந்து வராமல் படுத்தே கிடந்தது. இதனால் அதன் உடலில் காயங்கள் இருக்கலாம் என்று வனத்துறையினர் கருதினர்.

சுருக்கு கம்பிகள்:

சுருக்கு கம்பிகள்:

எனவே சுருக்கு கம்பிகள் மூலம் புலியை பிடித்து கூண்டுக்குள் அடைக்க வனத்துறையினர் முடிவு செய்தனர். அதன்படி சுருக்கு கம்பிகள் மூலம் புலியின் அருகே இறந்து கிடந்த ஆட்டின் உடலை வெளியே எடுத்தனர்.

அசைக்க முடியாமல் தவிப்பு:

அசைக்க முடியாமல் தவிப்பு:

இதனால் ஆவேசமான புலி திடீரென்று ஆட்டின் உடலை கடித்து தின்றது. இதையடுத்து புலியின் மீது சுருக்கு கம்பியை வனத்துறையினர் வீசினர். இதில் புலியின் கால்கள் மற்றும் தலை சிக்கியது. இதனால் புலியால் உடலை அசைக்க முடியாமல் நின்றது.

லாவகமாக அடைப்பு:

லாவகமாக அடைப்பு:

உடனே வனத்துறையினர் கம்பளி போர்வைகளை கொண்டு வந்து புலி மீது போர்த்தி லாவகமாக கொட்டகையை விட்டு வெளியே இழுத்து வந்து இரும்பு கூண்டுக்குள் அடைத்தனர்.

புலிக்கு தீவிர சிகிச்சை:

புலிக்கு தீவிர சிகிச்சை:

பகல் 12 மணி அளவில் புலியை அடைத்திருந்த இரும்பு கூண்டை வனத்துறையினர் அங்கிருந்து எடுத்து முதுமலை தெப்பக்காட்டில் உள்ள வளர்ப்பு யானை முகாமிற்கு கொண்டு சென்றனர். அங்கு கால்நடை மருத்துவ குழுவினர் புலிக்கு தீவிர சிகிச்சை அளித்து வருகின்றனர்.

விரைவில் குணம்:

விரைவில் குணம்:

மேலும், கிட்டதட்ட 2 கிலோ இறைச்சியை சாப்பிட்டுள்ளதால் புலி விரைவில் குணமடைந்துவிடும் என்றும் வனத்துறையினர் தெரிவித்துள்ளனர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Tiger killed a goat in Nilgiri farmer’s home and forest rangers trap that tiger and gave treatment.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more