அரசியலில் ரஜினி. கமல் இணைப்பை காலம் தான் தீர்மானிக்கும்.. சொல்கிறார் கருணாஸ்!

அரசியலில் ரஜினிகாந்த், கமல்ஹாசன் இணைப்பை காலம்தான் தீர்மானிக்கும் என கருணாஸ் தெரிவித்துள்ளார்.

சென்னை: அரசியலில் ரஜினிகாந்த், கமல்ஹாசன் இணைப்பை காலம்தான் தீர்மானிக்கும் என கருணாஸ் தெரிவித்துள்ளார்.

நடிகர் கமல்ஹாசன் அரசியல் பயணத்தை நாளை தொடங்குகிறார். இதனை முன்னிட்டு நாம் தமிழர் கட்சியின் தலைமை ஒருங்கிணைப்பாளர் சீமான் நடிகர் கமல்ஹாசனை இன்று நேரில் சந்தித்து வாழ்த்து தெரிவித்தார்.

இந்நிலையில் இதுகுறித்து எம்எல்ஏவும் நடிகருமான கருணாஸ் செய்தியாளர்களிடம் பேசினார். அப்போது கமல்ஹாசனை சீமான் சந்தித்தது அரசியல் நாகரீகம் என்றார்.

அரசியலில் ரஜினிகாந்த், கமல்ஹாசன் இணைப்பை காலம்தான் தீர்மானிக்கும் என்றும் நடிகர் கமல்ஹாசன் தெரிவித்தார். தமிழகத்தில் மாற்றத்தை உருவாக்கவே கமல் தனிக்கட்சி தொடங்குகிறார் என்றும் அவர் கூறினார்.

மேலும், இங்கு பலரும் தங்களுக்கான பொறுப்புகளை யாரும் உணர்ந்துகொண்டதாகத் தெரியவில்லை. என்னுடைய தொகுதியில் மக்கள் பிரச்னையை சரி வரத் தீர்க்க முடியாததற்கு சில அதிகாரிகளே காரணம் என்றும் கருணாஸ் விமர்சித்தார்.

அரசு அதிகாரிகள் ஒவ்வொருவரும் தங்களது பொறுப்பை உணர்ந்து செயல்பட்டாலே, அரசு நிர்வாகம் சரியாகிவிடும் என்றும் அவர் தெரிவித்தார். அரசியலுக்கு வர இருக்கும் ரஜினி கமல் இருவருக்கும் வாழ்த்துகள் தெரிவித்தார்.

English summary

MLA Karunas has said that Rajinikanth and Kamal Haasan will decide the Joining. Seeman meeting with Kamal is Political civilisation.