தமிழகத்தை தாளித்து எடுத்த சூரியன்... திருத்தணியில் வரலாறு காணா 'வறுவல்'.. 110 டிகிரி பாரன்ஹீட்!
தமிழகத்திலேயே அதிகபட்சமாக திருத்தணியில் 110 டிகிரி பாரன்ஹீட் வெப்பம் பதிவாகியுள்ளது.
சென்னை: தமிழகத்திலேயே அதிகபட்சமாக திருத்தணியில் 110 டிகிரி பாரன்ஹீட் வெப்பம் பதிவாகியுள்ளது. இதனால் மக்கள் கடும் இன்னலுக்கு ஆளாகினர்.
தமிழகத்தில் கோடை காலம் தொடங்கிவிட்டது. தற்போது கத்தரி வெயிலும் நேற்றுடன் முடிவடைந்துவிட்டது. எனினும் வெப்பம் மட்டும் தணிந்தபாடில்லை. இன்று வழக்கத்தை விட வெப்பம் சற்று அதிகமாகவே இருந்தது.
திருத்தணியில் 110 டிகிரி பாரன்ஹீட் வெப்பம் பதிவாகியிருந்தது. தமிழகத்திலேயே இங்கு அதிகமான அளவுக்கு வெப்பம் பதிவாகியிருந்ததாக கூறப்பட்டுள்ளது. தற்போதைய கோடை காலத்தில் திருத்தணியில் இன்று பதிவாகியுள்ளதுதான் அதிகபட்ச வெப்பம் பதிவாகியுள்ளது.
கடலூரில் 107 டிகிரி, சென்னை, புதுவையில் 105 டிகிரி பாரன்ஹீட் வெயில் வாட்டியது. தற்போதைய கோடையில் சென்னை நுங்கம்பாக்கத்தில் முதல் முறையாக 102 டிகிரி வெயில் பதிவாகியுள்ளது.
வேலூரில் 106, பரங்கிபேட்டையில் 104 டிகிரி, நாகையில் 103 டிகிரி பாரன்ஹீட் வெயில் வறுத்தெடுத்தது. காரைக்கால், தி.மலை, தொண்டியில் 102, தூத்துக்குடியில் 100 டிகிரி பாரன்ஹீட் வெப்பம் பதிவாகியிருந்தது.