அய்யய்யோ! ரெயின் கோட் கொண்டு போக மறந்துட்டீங்களா?... சென்னையில் இன்று மழைக்கு வாய்ப்பாம்ப்பா!
இன்று சென்னையில் மழைக்கு வாய்ப்புள்ளதாக வானிலை மையம் தெரிவித்துள்ளது.
சென்னை: வெப்பசலனம் காரணமாக தமிழகம் மற்றும் புதுச்சேரியில் மழைக்கு வாய்ப்புள்ளது என்று மாலை அல்லது இரவு நேரங்களில் மழை பெய்ய வாய்ப்புள்ளது என்றும் சென்னை வானிலை மையம் தெரிவித்துள்ளது.
தென்மேற்கு பருவமழை காரணமாக தமிழகத்தில் ஆங்காங்கே மழை பெய்து வந்தது. அதுபோல் தமிழகத்தில் வெப்பசலனம் காரணமாக பல்வேறு இடங்களில் மழை பெய்யும் என்று வானிலை ஆய்வு மையம் தெரிவித்தது. இதையடுத்து சென்னையில் கடந்த சில நாட்களுக்கு முன் கடும் வெயில் இல்லாமல் மிதமான வானிலை நிலவியது.
இதையடுத்து ஜூலை 9-ஆம் தேதி மாலை முதல் சென்னையில் மற்றும் புறநகர் பகுதிகளில் பலத்த காற்று வீசியது. இதைத் தொடர்ந்து மழை கொட்டியது. 10 நாட்களாக மழை ஓய்ந்துள்ளது.
இந்நிலையில் இதுகுறித்து சென்னை வானிலை மையம் கூறுகையில் வெப்பசலனம் காரணமாக தமிழகம் மற்றும் புதுவையில் மழை பெய்யும்.
அதுபோல் சென்னையில் காலை நேரங்களில் வானம் மேகமூட்டத்துடன் காணப்படும். மாலை அல்லது இரவு நேரங்களில் மழை பெய்ய வாய்ப்பு இருப்பதாக வானிலை ஆய்வு மையம் தெரிவித்துள்ளது.