• search
For Quick Alerts
ALLOW NOTIFICATIONS  
For Daily Alerts

தமிழ்நாடு பிரிமீயர் லீக் நாளை தொடக்கம்... தொடக்கவிழாவில் நடிகர், நடிககைளில் கலைநிகழ்ச்சி

|

சென்னை: தமிழ்நாடு கிரிக்கெட் சங்கம் சார்பில் நடத்தப்படும் தமிழ்நாடு பிரிமீயர் லீக் கிரிக்கெட் போட்டி நாளை சென்னை சேப்பாக்கம் சிதம்பரம் மைதானத்தில் நடைபெறவுள்ளது.

தமிழ்நாடு பிரிமீயர் லீக் டி20 கிரிக்கெட் போட்டி நாளை முதல் செப்டம்பர் 18-ம் தேதி வரை நடைபெற உள்ளது. இந்த டிஎன்பில் கோப்பையை, இந்திய ஒருநாள் போட்டிகளுக்கான கேப்டன் டோணி சென்னையில் சமீபத்தில் அறிமுகப்படுத்தினார். தமிழக கிரிக்கெட் வீரர்களுக்கு, தேசிய அளவிலான டி 20 போட்டிகளில் விளையாடும் வாய்ப்பை ஏற்படுத்தி கொடுக்கவும், கிராமங்களில் உள்ள வீரர்களுக்கு டி 20 அளவிலான போட்டிகளில் விளையாடும் வாய்ப்பை ஏற்படுத்திக் கொடுக்கும் வகையில் இந்த தொடர் நடத்தப்படுகிறது.

TNPL cricket starts tomorrow with opening ceremony

ஐபிஎல் பாணியில் நடைபெறும் இந்த தமிழ்நாடு பிரிமீயர் லீக் கிரிக்கெட் தொடரில் தூத்துக்குடி, சேப்பாக்கம், கோவை, மதுரை, காஞ்சிபுரம், திண்டுக்கல், திருவள்ளூர் மற்றும் காரைக்குடி ஆகிய 8 அணிகள் பங்கேற்கின்றன. இதில், திண்டுக்கல் அணி ரவிச்சந்திரன் அஸ்வினையும், தூத்துக்குடி அணி தினேஷ் கார்த்திக்கையும், கோவை அணி முரளி விஜயையும், காரைக்குடி அணி பத்ரிநாத்தையும் வசப்படுத்தியுள்ளன. இந்த தொடரில் சென்னை சேப்பாக்கம், நத்தம் (திண்டுக்கல்), நெல்லை ஆகிய 3 இடங்களில் மொத்தம் 31 போட்டிகள் நடைபெறுகிறது.

தொடக்க விழா நிகழ்ச்சி நாளை மாலை 6 மணிக்கு சென்னை சேப்பாக்கம் மைதானத்தில் நடைபெறுகிறது. சினிமா நட்சத்திரங்கள் கலந்து கொள்ளும் கலை நிகழ்ச்சிகளும் தொடக்க விழாவில் இடம் பெறுகிறது. நடிகர்கள் தனுஷ், மாதவன், நடிகைகள் எமி ஜாக்சன், ஆன்ட்ரியா, தன்ஷிகா, பாடகர் கார்த்தி, இசை அமைப்பாளர் அனிருத் உள்ளிட்டோர் ஆடல், பாடல் மூலம் ரசிகர்களை மகிழ்விக்க இருக்கிறார்கள். தொடக்க விழா நிகழ்ச்சி 30 நிமிட நேரம் நடைபெறும்.

இதையடுத்து, தமிழ்நாடு பிரிமீயர் லீக்கின் முதல் ஆட்டம் மாலை 6.30 மணிக்கு தொடங்குகிறது. தொடக்க லீக் ஆட்டத்தில் சேப்பாக் சூப்பர் கில்லீஸ்-தூத்துக்குடி பேட்ரியாட்ஸ் அணியை எதிர்கொள்கிறது. இந்த போட்டிகளை ஸ்டார் ஸ்போர்ட்ஸ் 1, ஸ்டார் ஸ்போர்ட்ஸ் எச்.டி., விஜய் சூப்பர் ஆகிய சேனல்களில் நேரடி ஒளிபரப்பு செய்யப்படுகின்றன.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Tamilnadu premier league starts tomorrow at Chepauk statium, Chennai. First match of this tournament will be Chepauk Super Gillies vs Tuti Patriots at 6:30 pm.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more