"அண்ணன்" எம்எல்ஏ ஆன பிறகு முதல் வாழ்த்து யாருக்கு தெரியுமா?
ஆர்கே நகர் இடைத்தேர்தலில் வெற்ற பெற்றுள்ள டிடிவி தினகரன் கிறிஸ்துமஸ் வாழ்த்து தெரிவித்து அறிக்கை வெளியிட்டுள்ளார்.
சென்னை: ஆர்கே நகர் இடைத்தேர்தலில் வெற்ற பெற்றுள்ள டிடிவி தினகரன் கிறிஸ்துமஸ் வாழ்த்து தெரிவித்து அறிக்கை வெளியிட்டுள்ளார். அதில் டாக்டர் ராதாகிருஷ்ணன் நகர் சட்டசபை உறுப்பினர் என டிடிவி தினகரன் தன்னை குறிப்பிட்டுள்ளார்.
ஆர்.கே.நகர் இடைத்தேர்தல் இறுதி முடிவுகளின்படி குக்கர் சின்னத்தில் சுயேட்சை வேட்பாளராக போட்டியிட்ட டி.டி.வி. தினகரன் 89,000 வாக்குகளுக்கு மேல் பெற்று அமோக வெற்றி பெற்றுள்ளார். மொத்தம் பதிவான வாக்குகளில் 50.32 சதவீதம் வாக்குகளை டிடிவி தினகரனே பெற்றுள்ளார்.
இந்நிலையில், இந்த வெற்றிபெற்ற களிப்புடன் 'தமிழகத்தில் உள்ள கிறிஸ்தவ மக்களுக்கு ஆர்.கே. நகர் சட்டமன்ற உறுப்பினராக எனது கிறிஸ்துமஸ் வாழ்த்துகளை தெரிவித்து கொள்கிறேன்' என்று தினகரன் தெரிவித்துள்ளார்.
இதுதொடர்பாக அவர் விடுத்துள்ள அறிக்கையில் டாக்டர் ராதாகிருஷ்ணன் நகர் சட்டமன்ற உறுப்பினர் என அவர் குறிப்பிட்டுள்ளார்.