தினகரன் யார் என்னை நீக்குவதற்கு..? நாங்கள் ஏற்கனவே அவரை நீக்கியாச்சு.. வைத்திலிங்கம் தடாலடி

சென்னை: என்னை கட்சியிலிருந்து நீக்க டிடிவி தினகரனுக்கு அதிகாரம் இல்லை என்று வைத்திலிங்கம் எம்.பி தெரிவித்துள்ளார்.

இதுகுறித்து அவர் செய்தி சேனல் ஒன்றிடம் கூறுகையில் ஜெயலலிதாவால் கட்சியைவிட்டு நீக்கப்பட்டவர் தினகரன். அவரை அதிமுக துணை பொதுச்செயலாளர் பதவியிலிருந்து நீக்கிவிட்டோம். இப்போது அவர் என்னை கட்சியிலிருந்து நீக்க எந்த அதிகாரமும் கிடையாது.

99.9 சதவீத அதிமுக தொண்டர்கள் எங்கள் பக்கம்தான் உள்ளனர். இன்னும் ஒரு சில நாட்களில் தினகரன் ஆதரவு எம்எல்ஏக்கள் எங்கள் பக்கம் வருவார்கள். சசிகலா சிறையிலுள்ளதால் அவரால் அதிமுக பொதுச்செயலாளராக செயல்பட முடியவில்லை. இவ்வாறு வைத்திலிங்கம் தெரிவித்தார்.

சசிகலாவை அதிமுக பொதுச்செயலாளர் பதவியிலிருந்து நீக்க வேண்டும் என்று வைத்திலிங்கம் நேற்று பேட்டியளித்த நிலையில், இன்று அவரை அடிப்படை உறுப்பினர் பதவியிலிருந்தும் நீக்குவதாக டிடிவி தினகரன் தெரிவித்துள்ளது குறிப்பிடத்தக்கது.

English summary

R. Vaithilingam MP is sacked from the AIADMK says TTVDinakaran in a statement. But TTV Dinakaran has no power to remove me from the party, Vaithilingam says.