மாவட்ட செயலாளர் பொறுப்பில் இருந்து அமைச்சர் எம்ஆர் விஜயபாஸ்கர் நீக்கம்.. தினகரன் அதிரடி
கரூர் மாவட்ட அதிமுக செயலாளர் பொறுப்பில் இருந்து போக்குவரத்துத் துறை அமைச்சர் எம்.ஆர் விஜயபாஸ்கரை தினகரன் அதிரடியாக நீக்கியுள்ளார்.
சென்னை: கரூர் மாவட்ட செயலாளர் பதவியிலிருந்து எம்.ஆர்.விஜயபாஸ்கர் நீக்கப்பட்டுள்ளதாக டிடிவி தினகரன் அறிவித்துள்ளார்.
இன்று காலை அமைச்சர் ஆர்.பி. உதயக்குமாரை ஜெயலலிதா பேரவையின் செயலாளர் பொறுப்பில் இருந்து நீக்கிய கையோடு, போக்குவரத்துத் துறை அமைச்சர் எம்.ஆர். விஜயபாஸ்கரை கரூர் மாவட்ட செயலாளர் பொறுப்பில் இருந்து அதிமுக அம்மா கட்சி துணைப் பொதுச் செயலாளர் தினகரன் அதிரடியாக நீக்கியுள்ளார்.
அதற்குப் பதிலாக கரூர் மாவட்ட செயலாளராக முன்னாள் அமைச்சர் செந்தில்பாலாஜி நியமிக்கப்பட்டுள்ளார் என்றும் தினகரன் அதிரடியாக அறிவித்துள்ளார்.
மதுரை மாவட்டத்தைச் சேர்ந்த பொறுப்பாளர்கள் பலரை நீக்கி காலையில் தினகரன் அறிவித்தார். அதில் அமைச்சர் ஆர்.பி. உதயகுமாரை ஜெயலலிதா பேரவையின் மாவட்ட செயலாளர் பொறுப்பில் இருந்து நீக்கினார். அதே போன்று விருதுநகர் மாவட்ட பொறுப்பாளர்களையும் தினகரன் நீக்கி உத்தரவிட்டது குறிப்பிடத்தக்கது.