• search
For Quick Alerts
ALLOW NOTIFICATIONS  
For Daily Alerts

“டுவிட்டர்” பக்கத்தை இனி தமிழிலேயே உபயோகிக்கலாம்- மொழிமாற்றத் தேர்வில் 4 புதிய மொழிகள் இணைப்பு

|

சென்னை: பேஸ்புக்கிற்கு அடுத்ததாக மிகவும் பிரபலமான சமூக வலைத்தளமான டுவிட்டர் தன்னுடைய வலைப் பகுதியில் தமிழில் டுவிட் செய்யும் வசதியினை அறிமுகப்படுத்தியுள்ளது. இதனால் தமிழ் டுவிட்டர் வாசிகள் மகிழ்ச்சியில் ஆழ்ந்துள்ளனர்.

பிரபல சமூக வலைத்தளமான "டுவிட்டர்" மூலம் தங்களது நிலைப்பாட்டை பதிவு செய்யாதவர்களே இல்லை என்ற நிலை உருவாகியுள்ளது. ஆனால், டுவிட்டரின் தலைப்பு பக்கம், செயல்பாடு தொடர்பான விருப்பத் தேர்வுகள் உள்ளிட்ட அனைத்து விபரங்களும் ஆங்கிலத்தில் மட்டுமே உள்ளன.

Twitter Adds Gujarati, Kannada, Marathi, and Tamil Support

இருப்பினும், நமது தமிழ் டுவிட்டிகள் "யூனிகோட்" எழுத்துருவின் வாயிலாக டுவிட்டரோடு இணைந்திருந்து தங்களது நிலைப்பாட்டினையும், உலகில் நடைபெறும் முக்கிய சம்பவங்கள் தொடர்பான கருத்துகளையும் அவ்வப்போது பதிவேற்றம் செய்து வருகின்றனர்.

டுவிட்டரில் ஆங்கிலம் தவிர, இதர இந்திய மொழிகளின் மைய எழுத்துரு வடிவங்களாக இதுவரை இந்தி மற்றும் வங்காளம் ஆகிய இரு மொழிகளே இருந்து வந்தன. இந்நிலையில், தமிழ், கன்னடம், குஜராத்தி, மராத்தி ஆகிய நான்கு மொழிகளில் பயன்பாட்டாளர்களுக்கு உதவும் தலைப்பு பக்கத்தை டுவிட்டர் தற்போது அறிமுகப்படுத்தியுள்ளது.

தலையாய முக்கிய நிகழ்வுகள், யாரை பின் தொடரலாம்? உள்ளிட்ட அனைத்து விபரங்களையும் இனி தமிழ் உள்பட மேற்கண்ட நான்கு மொழிகளில் கண்டு, உபயோகித்து, பயன் பெறலாம். தற்போது, டுவிட்டரை ஆங்கில மொழி வாயிலாக பயன்படுத்தி வருபவர்கள், இனி, தங்களது மூலப் பக்கத்தில் உள்ள மெனுவை "கிளிக்" செய்து, மொழிமாற்றத் தேர்வை மாற்றி, தமிழிலேயே அனைவரோடும் டுவிட்டலாம்.

தமிழுடன் சேர்த்து மொத்தம் ஆறு இந்திய மொழிகளில் "டுவிட்" வசதியை டுவிட்டர் ஏற்படுத்தி தந்துள்ளது. இதற்கான ஆன்ட்ராய்ட் ஆப் சப்போர்ட்டும் வெளியாகியுள்ளது குறிப்பிடத்தக்கது.

 
 
 
English summary
On Friday, Twitter added support for four more Indic languages. Twitter is now available in Gujarati, Kannada, Marathi, and Tamil, on the Web and on Android. This doesn't just mean that you can tweet in those languages - though of course that is one facet - but the interface has also been customised so the buttons like tweet, add picture, or add location, are shown in the local language you've selected.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X