உங்கள் சந்தேகங்களுக்கு விளக்கம் வேண்டுமா.. அலுவலகம் வரவும்.. எச்.ராஜாவுக்கு ஜெ.அன்பழகன் அழைப்பு!
சென்னை: உதயநிதி என்பது தமிழ் பெயர்தான் என்று திமுக எம்எல்ஏவும், அக்கட்சியின் சென்னை மேற்கு மாவட்ட செயலாளருமான ஜெ.அன்பழகன் பாஜக தேசிய பொதுச்செயலாளர் எச்.ராஜாவுக்கு பதில் அளித்துள்ளார்.
உதயநிதி என்பது தமிழ் பெயர் இல்லை என்று எச்.ராஜா கிண்டல் செய்திருந்தார். இதுகுறித்து நிருபர்கள் கேள்விக்கு அன்பழகன் பதிலளித்து கூறுகையில், உதயம் என்றால் உதிப்பது, நிதி என்றால் அர்த்தம் உங்களுக்கே தெரியும்.
எனவே, உதயநிதி என்பது தமிழ் பெயர் தான் என கூறியிருந்தார். இந்த பேட்டி வீடியோவை தனது டிவிட்டர் கணக்கில் ஷேர் செய்துள்ள அன்பழகன், "இன்னும் தெளிவான விளக்கம் வேணுமா @HRajaBJP சார்? உங்களின் எல்லா சந்தேகத்துக்கும் விடை உள்ளது... அலுவலகம் வரவும்..." என குறிப்பிட்டுள்ளார்.
உதயநிதி என்பது தமிழ் பெயர் தான்...@Udhaystalin
— J Anbazhagan (@JAnbazhagan) January 30, 2018
இன்னும் தெளிவான விளக்கம் வேணுமா @HRajaBJP சார்? உங்களின் எல்லா சந்தேகத்துக்கும் விடை உள்ளது... அலுவலகம் வரவும்... 🙏🏻 pic.twitter.com/aWendQLrZo
அலுவலகம் வரவும் என்ற ஜெ.அன்பழகன் டிவிட்டை பார்த்த சில நெட்டிசன்கள், சிவாஜி திரைப்படத்தில் ரஜினிகாந்த் கதாப்பாத்திரம், ஆபீஸ் ரூமிற்குள் வரச் சொல்லும் மீம்களை போட்டு தெறிக்கவிடுகிறார்கள்.
Oh office room ah pic.twitter.com/IghgosdpvX
— G Sham (@shamganesh) January 30, 2018
உதயநிதி ஸ்டாலின், அரசியலில் களமிறங்க நேரம் வந்துவிட்டதாக அறிவித்த நிலையில், எச்.ராஜா இதுபோன்ற விமர்சனத்தை முன் வைத்திருந்தார்.