சென்னை மாநகராட்சி மேயர் பதவிக்கு உதயநிதி ஸ்டாலின் போட்டி?

சென்னை மாநகராட்சி மேயர் பதவிக்கு உதயநிதி ஸ்டாலின் போட்டியிட உள்ளார் என்ற தகவல்கள் வெளியாகியுள்ளன.

சென்னை : சென்னை மாநகராட்சி மேயர் பதவிக்கு உதயநிதி ஸ்டாலின் போட்டியிட உள்ளார் என்ற தகவல்கள் வெளியாகியுள்ளன. ஆனால் இது அதிகாரப்பூர்வ அறிவிக்கப்படவில்லை என்று முன்னாள் மேயர் மா.சுப்பிரமணியன் தெரிவித்தார்.

தீவிர அரசியலில் ஈடுபடவுள்ளதாக உதயநிதி ஸ்டாலின் கடந்த வாரம் தெரிவித்திருந்தார். கருவில் இருக்கும்போதே அரசியலுக்கு வந்தவன். திமுக வேட்பாளர்களை ஆதரித்து பல தருணங்களில் பிரசாரம் செய்துள்ளதாகவும் அவர் கூறியிருந்தார்.

ஆனால் அதே வேளையில் ரஜினி, கமல் அரசியல் கட்சி தொடங்குவதையும் அவர் வரவேற்றார். இந்நிலையில் உதயநிதி ஸ்டாலின் வரும் உள்ளாட்சி தேர்தலில் சென்னை மாநகராட்சி மேயர் தேர்தலில் அவர் போட்டியிடுவார் என்ற தகவல்கள் வெளியாகியுள்ளன.

இதுகுறித்து முன்னாள் மேயர் மா.சுப்பிரமணியன் கூறுகையில், சென்னை மாநகராட்சி மேயர் பதவிக்கு உதயநிதி போட்டியிடுவார் என்பது அதிகாரப்பூர்வ தகவல் இல்லை என்று தெரிவித்தார்.

English summary

Udhayanidhi Stalin is going to contest in Chennai Corporation mayor post? EX Mayor Ma Subramanian says that there will be no official information regarding that.