புதுவையில் 5 தொகுதிகளுக்கான வேட்பாளர் பெயர்களை அறிவித்தது விசிக
சென்னை: புதுச்சேரி சட்டசபை தேர்தலில் விடுதலை சிறுத்தைகள் சார்பில் போட்டியிடும் 5 தொகுதிகளுக்கான வேட்பாளர் பட்டியலை அக்கட்சி தலைமை வெளியிட்டுள்ளது.
மே 16ம் தேதி தமிழக சட்டசபைத் தேர்தலுக்கான வாக்குப்பதிவு நடைபெற உள்ளது. மக்கள் நலக்கூட்டணி தேமுதிக கூட்டணியில் இணைந்துள்ள விடுதலை சிறுத்தைகள் கட்சி 25 தொகுதிகளில் போட்டியிடுகிறது. புதுச்சேரியில் 7 தொகுதியில் போட்டியிடுகிறது விடுதலை சிறுத்தைகள் கட்சி.
இந்நிலையில் புதுச்சேரியில் 7 தொகுதிகளில் போட்டியிடும் விடுதலை சிறுத்தைகள் கட்சி தற்போது 5 தொகுதிகளுக்கான வேட்பாளர்கள் பெயர்களை அறிவித்துள்ளது. இதனை அக்கட்சியின் முதன்மை செயலாளர் தேவ. பொழிலன் வெளியிட்டுள்ளார்.
5 தொகுதிகளுக்கான விசிக வேட்பாளர் விவரம்:
1.ஊசுடு - அங்காளன்
2.வில்லியனூர் - முகமது ஹாலித்
3.நெட்டப்பாக்கம் - வடிவேலு
4.மணவெளி - ராஜ்குமார்
5.காரைக்கால் வடக்கு - செல்வசுந்தரம்