"பைரவா".. சமூக வலைதளங்களை கலக்கி வரும் விஜய் ரசிகர்கள் #bairavaa
சென்னை: விஜய் நடிக்கும் புதிய படத்தின் பெயர் இன்று அறிவிக்கப்பட்டதைத் தொடர்ந்து படத்தின் தலைப்பும், பர்ஸ்ட் லுக் போஸ்டரும் படு வேகமாக டிரெண்டாகி வருகிறது.
பைரவா பெயரை ஹேஷ்டேக் போட்டு டிவிட்டரிலும், பேஸ்புக்கிலும் ரசிகர்கள் கொண்டாடி வருகின்றனர். பைரவா தலைப்பு குறித்து ஆரம்பத்தில் ரசிகர்களிடையே ஒரு விதமான அதிருப்தி காணப்பட்டாலும் கூட இப்போது தலைவர் படமாச்சா என்று வேகமாக பிரபலமாக்கி வருகின்றனர்.
டிவிட்டரிலும், பேஸ்புக்கலும் படத்தின் தலைப்பு குறித்தும், பர்ஸ்ட் லுக் குறித்தும் விவாதங்கள் தெரித்துக் கொண்டுள்ளன. முதலில் வந்த படத்தை வைத்தும், அடுத்து விஜய் தனது டிவிட்டரில் வெளியிட்ட படத்தை வைத்தும் மாஸ், பக்கா மாஸ் என்று கமெண்ட் போட்டு கலக்கிக் கொண்டிருக்கிறார்கள் ரசிகர்கள்.
நடிகர் சிபி ராஜ் பைரவா படத்தின் தலைப்பு வெளியானதும் தனது டிவிட்டர் பக்கத்தில் தலைவா என்று போட்டு மகிழ்ச்சி வெளிப்படுத்தியுள்ளார். அதை ரசிகர்களும் ரீட்வீட் செய்து குவிக்கிறார்கள்
நெல்லையில் உள்ள ராம் முத்துராம் என்ற தியேட்டரில் பர்ஸ் லுக் போஸ்டரின் ரிலீஸையே ஒரு விழா போல ஏற்பாடு செய்துள்ளதையும் ரசிகர்கள் கொண்டாடி வருகின்றனர் பேஸ்புக்கில்.
மொத்தத்தில் பைரவா சூட்டைக் கிளப்ப ஆரம்பித்து விட்டது.. !