பேனரை கிழிச்சா என்ன... இதை தடுக்க முடியுமா... கெத்து காட்டும் விஜய் ரசிகரின் வைரல் வீடியோ!

By Gajalakshmi R

Updated: Saturday, November 10, 2018, 17:44 [IST]

Recommended Video

கிழிந்த பேனர்களை விஜய் ரசிகர்கள் சாலையோரம் உள்ள சிறுவியாபாரிகளுக்கு தந்து உதவும் வீடியோ

திருப்பரங்குன்றம்: சர்கார் படத்திற்கு எதிராக நடந்த போராட்டத்தின் போது தியேட்டர்கள் முன்பு வைக்கப்பட்டிருந்த பேனர்கள் கிழிக்கப்பட்டன. கிழிந்த பேனர்களை விஜய் ரசிகர்கள் சாலையோரம் உள்ள சிறுவியாபாரிகளுக்கு தந்து உதவும் வீடியோ காட்சி சமூக வலைதளத்தில் வைரலாகியுள்ளது.

விஜய் நடிப்பில் ஏ.ஆர். முருகதாஸ் இயக்கத்தில் தீபாவளிக்கு ரிலீஸான சர்கார் திரைப்படம் ரசிகர்கள் மத்தியில் பெரும் வரவேற்பை ஏற்படுத்தியது. விஜய், ஏ.ஆர்.முருகதாஸ் கூட்டணியில் உருவான படம் என்றாலே விஜய் ரசிகர்களுக்கு குஷியோ குஷி. வெர்ல்டு மொத்தமும் அர்லவிடனும் என்று சர்கார் படத்தில் வரும் பாடலைப் போல விஜய் ரசிகர்கள் சர்கார் படத்தை தீபாவளி மகிழ்ச்சியோடு வரவேற்கத் தயாராகினர்.

திரையரங்கு வாசலில் பிரம்மாண்ட கட்அவுட் வைத்து தங்களது வரவேற்பை வெளிக்காட்டினர். சர்கார் வெளியாகி 2 நாட்கள் எந்த பிரச்னையும் இல்லாமல் ஓடிக்கொண்டிருக்க சில காட்சிகள் மற்றும் படத்தில் வரும் கதாபாத்திரத்தின் பெயர் அதிமுகவிற்கு எதிர்ப்பாக இருக்கிறது என்று ஆளும் கட்சியினர் விமர்சித்தனர்.

இலங்கை நாடாளுமன்ற கலைப்புக்கு எதிராக நீதிமன்றத்தில் வழக்கு: ரணில் கட்சி அதிரடி இலங்கை நாடாளுமன்ற கலைப்புக்கு எதிராக நீதிமன்றத்தில் வழக்கு: ரணில் கட்சி அதிரடி

அதிமுக போராட்டம்

ஜெயலலிதா அறிவித்த இலவச மிக்ஸி, கிரைண்டர்களை தீயில் போட்டு கொளுத்துவது போன்ற காட்சிக்கு அதிமுக அமைச்சர்கள் கடும் கண்டனம் தெரிவித்தனர். கொஞ்சம் கொஞ்சமாக இந்த விவகாரம் விஸ்வரூபம் எடுக்க சர்கார் திரைப்படம் ஓடிய தியேட்டர்கள் முன்பு தமிழகம் முழுவதும் அதிமுகவினர் போராட்டம் நடத்தினர்.

விஜய் பேனர்கள் சேதம்

இந்த போராட்டத்தின் போது கோவை, மதுரை, திருநெல்வேலி, சென்னை உள்ளிட்ட ஊர்களில் விஜய்க்காக வைக்கப்பட்டிருந்த பேனர்கள் கிழித்து வீசப்பட்டன. விஜய் பேனர் சேதப்படுத்தப்பட்டதோடு தியேட்டருக்குள்ளும் சென்று படத்தை நிறுத்த போராட்டக்காரர்கள் வலியுறுத்தினர். இதனால் தமிழகம் முழுவதும் சர்கார் நிறுத்தப்பட்டு காட்சிகள் நீக்கப்பட்டு மறுதணிக்கைக்கு பின்னர் மீண்டும் திரையிடப்பட்டு வருகிறது.

சிறுவியாபாரிகளுக்கு கொடுத்து உதவி

படத்தில் இருந்து காட்சிகள் நீக்கப்பட்டாலும் நிஜத்தில் சிலர் விஜய் செய்தது போல இலவசப் பொருட்களை அள்ளி நெருப்பில் போட்டு அதனை வீடியோவாக எடுத்து டிக்டாக்கில் போட்டு வருகின்றனர். இந்நிலையில் போராட்டத்தின் போது கிழிக்கப்பட்ட பேனர்களை சேகரித்து விஜய் ரசிகர் ஒருவர் சாலையோரம் கடை வைத்துள்ள சிறு வியாபாரிகளுக்கு வழங்கி வருகிறார்.

பேனரை கிழித்தவர்களுக்கு பதிலடி

ட்விட்டரில் பதிவிடப்பட்டுள்ள அந்த வீடியோவில் பேசும் விஜய் ரசிகர் திருப்பரங்குன்றம் பேருந்து நிலையம் அருகே நாங்கள் சர்கார் படத்திற்காக விஜய்க்கு பேனர் வைத்திருந்தோம் அதை யார் கிழித்தார்கள் என்று தெரியவில்லை. கிழிந்த இந்த பேனரை இந்த அக்கா கேட்டாங்க அவங்களுக்கு உதவியாக இருக்கும் என்று இதனை கொடுக்கிறோம். பேனர் கிழிஞ்சா கூட நாங்க பிறருக்கு கொடுத்து உதவுவோம் என்று அந்த ரசிகர் கெத்து காட்டுகிறார்.