• search
For Quick Alerts
ALLOW NOTIFICATIONS  
For Daily Alerts

காங்கிரஸ் முதற்கட்டவேட்பாளர் பட்டியல்.. விளவங்கோடு - விஜயதாரணி, நாங்குநேரி - வசந்தகுமார் போட்டி

By Karthikeyan
|

சென்னை: தமிழக சட்டசபை தேர்தலில் போட்டியிடும் காங்கிரஸ் வேட்பாளர்கள் கொண்ட முதற்கட்ட பட்டியல் இன்று வெளியிடப்பட்டுள்ளது.

தி.மு.க. கூட்டணியில் இடம்பெற்றுள்ள காங்கிரஸ் கட்சிக்கு 41 தொகுதிகள் ஒதுக்கப்பட்டுள்ளன. இந்த தொகுதிகளுக்கான வேட்பாளர்களை இறுதி செய்வதற்காக, தமிழக காங்கிரஸ் தலைவர் ஈ.வி.கே.எஸ் இளங்கோவன் டெல்லி சென்றார். வேட்பாளர் தேர்வு தொடர்பாக அவர் அகில இந்திய காங்கிரஸ் கமிட்டி பொதுச்செயலாளரும், தமிழக மேலிட பார்வையாளருமான முகுல் வாஸ்னிக்குடன் ஆலோசனை நடத்தினார்.

Vijayatharani will again contest in Vilavangode

பின்னர் காங்கிரஸ் வேட்பாளர் பட்டியலை இறுதி செய்ய கட்சியின் மத்திய தேர்தல் குழு கூட்டம் இன்று நடைபெற்றது. சோனியா காந்தியின் இல்லத்தில் அவரது தலைமையில் நடைபெற்ற இந்த கூட்டத்தில் முதற்கட்ட வேட்பாளர் பட்டியல் இறுதி செய்யப்பட்டது. அதன்படி, 33 வேட்பாளர்கள் கொண்ட பட்டியல் இன்று மாலை வெளியிடப்பட்டது.

இதில் தற்போதைய விளவங்கோடு சட்டசபை தொகுதி சிட்டிங் எம்எல்ஏவான விஜயதாரணி மீண்டும் போட்டியிடுவார் என அறிவிக்கப்பட்டுள்ளது. கடந்த சட்டசபைத் தேர்தலில் கன்னியாகுமரி மாவட்டம் விளவங்கோடு தொகுதியில் போட்டியிட்டு வெற்றி பெற்றவர் விஜயதரணி. தற்போது அகில இந்திய மகளிர் காங்கிரஸ் பொதுச்செயலாளராக பதவி வகித்து வரும் விஜயதாரணிக்கு மீண்டும் அதே தொகுதி ஒதுக்கப்பட்டுள்ளது.

மேலும் தமிழக காங்கிரஸ் வர்த்தகர் பிரிவு தலைவர் வசந்தகுமார் நாங்குநேரி தொகுதியில் களமிறங்குகிறார். தொழிலதிபரான இவர் திருநெல்வேலி மாவட்டம், நாங்குநேரி சட்டசபை தொகுதியில் 2006-இல் நடைபெற்ற தேர்தலில் வெற்றி பெற்றார். இதே தொகுதியில் 2011-இல் நடைபெற்ற சட்டப்பேரவைத் தேர்தலில் தோல்வி அடைந்தார்.

இதையடுத்து 2014 ஆம் ஆண்டு நடைபெற்ற மக்களவை தேர்தலில் கன்னியாகுமரி தொகுதியில் போட்டியிட்டு தோல்வியுற்றார். இந்நிலையில் நாங்குநேரி தொகுதியில் போட்டியிட அவருக்கு வாய்ப்பு வழங்கப்பட்டுள்ளது.

இதனிடையே திருநாவுக்கரசரின் மகன் எஸ்.டி.ராமச்சந்திரன் அறந்தாங்கி தொகுதியில் போட்டியிடுகிறார். முன்னாள் எம்.பி. ஆரூண் மகன் ஹசன் மவுலானா அம்பத்தூர் தொகுதி வேட்பாளராக அறிவிக்கப்பட்டுள்ளார்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
The congress MLA Vijayatharani will again contest in Vilavangode constituency in tamilnadu assembly election 2016.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more