குடும்ப பிரச்சனைக்கு நடுவில் ஆப்பிரிக்க பழமொழியை போட்டு சூட்டைக் கிளப்பும் விவேக் ஜெயராமன்!
விவேக் ஜெயராமன் தனது டிவிட்டர் பக்கத்தில் பதிவிட்டுள்ள ஆப்பிரிக்க பழமொழி தினகரன் தரப்பை சூடாக்கியுள்ளது.
சென்னை: விவேக் ஜெயராமன் தனது டிவிட்டர் பக்கத்தில் பதிவிட்டுள்ள ஆப்பிரிக்க பழமொழி தினகரன் தரப்பை சூடாக்கியுள்ளது.
சசிகலா குடும்பத்திற்குள் பெரும் மோதல் வெடித்துள்ளது. தினகரனின் தனிக்கட்சி ஆவர்த்தனம் திவாகரன், விவேக் ஜெயராமன் உள்ளிட்ட யாருக்கும் பிடிக்கவில்லை.
இதுவரை பனிப்போராக இருந்த குடும்ப சண்டை தற்போது வீதிக்கு வந்துள்ளது. சசிகலாவின் சகோதரரான திவாகரன், தினகரனை சரமாரியாக சாடி வருகிறார்.
சசிகலா சிறைக்கு சென்றதற்கு காரணமே தினகரனும் அவரது பேராசையும்தான் என பகிரங்கமாக குற்றம்சாட்டி வருகிறார். அவரது மகன் ஜெயானந்தும் தினகரனுக்கு எதிராக போர்க்கொடி தூக்கியுள்ளார்.
இந்நிலையில் விவேக் ஜெயராமன் தனது டிவிட்டர் பக்கத்தில் ஆப்பிரிக்க பழமொழி ஒன்றை பதிவிட்டுள்ளார். அதாவது 'நீ வேகமாக போக விரும்பினால் தனியாக போ, நீ நீண்ட தூரம் போக விரும்பினால் சேர்ந்து போ' ஆப்பிரிக்க பழமொழி. நம் அனைவருக்கும் ஒரு வலுவான நினைவூட்டல். இவ்வாறு விவேக் ஜெயராமன் டிவிட்டரில் பதிவிட்டுள்ளார்.
ஏற்கனவே தினகரன் தனி ஆவர்த்தனம் செய்து வருவதாக குடும்பத்தினர் குற்றம்சாட்டி வரும் நிலையில், இப்படியொரு பழமொழியை போட்டு தினகரனுக்கு எதிரான கோதாவில் தன் பங்குக்கு குதித்துள்ளார் விவேக் ஜெயராமன்.