பாஜக நிற்காத தொகுதிகளில் அதிமுகவைத்தான் ஆதரிக்க வேண்டும்- சோ

சென்னை: பாஜக போட்டியிடாத தொகுதிகளில் அதிமுகவைத்தான் ஆதரிக்க வேண்டும். அப்போதுதான் பாஜக ஆட்சி மத்தியில் அமைய அது உதவியாக இருக்கும் என்று கூறியுள்ளார் சோ.

துக்ளக கேள்வி பதிலில் கேட்கப்பட்ட கேள்விக்கு இப்படிப் பதிலளித்துள்ளார் சோ.

இதுகுறித்துக் கேட்கப்பட்ட கேள்வியும், அதற்கு சோ அளித்துள்ள பதிலும்...

கேள்வி - பாஜக நிற்காத தொகுதிகளிலாவது எந்த கட்சிக்கு ஓட்டு போடலாம் என்று எங்களுக்கு நல்ல ஆலோசனை கூறவும் ... (மழுப்பலான பதிலை கூறி நழுவ வேண்டாம் )

சோ- இதில் குழப்பத்திற்கே இடமில்லை .பாஜக போட்டியிடாத தொகுதிகளில் அதிமுக வுக்கு வாக்களிப்பதுதான் நல்லது. மத்தியில் பாஜக ஆட்சி அமைய அது உதவி செய்யும் .

மாறாக பாஜக கூட்டணியில் உள்ள மற்றக் கட்சிகளுக்கு வாக்களித்தால், அது அவர்களுடைய வெற்றியை உறுதி செய்யாது. ஒட்டு பிளவைத்தான் உண்டாக்கும். இது பெரும்பாலான தொகுதிகளுக்கு பொருந்தும் .இதற்கு விதி விலக்கான தொகுதிகளும் உண்டு என்று கூறியுள்ளார் சோ.

சோ பதிலைப் பார்த்தால் ஏதோ புரிகிறது போல தோன்றுகிறதல்லவா...

English summary

'Cho' has advised that if anyone vote for alliance parties of BJP, is no use to the party in forming a govt in centre. Instead people should vote for ADMK in places where BJP is not contesting, he has said.