பிளீஸ், இந்த பக்கத்தை படிக்க, லைக் பண்ண, ஷேர் செய்ய மறக்காதீங்க!!

Updated: Wednesday, May 28, 2014, 19:38 [IST]

சென்னை: திரிஷா, சோனா போன்ற பிரபலமானவர்களும், நடிகர்களும்தான் உடல் உறுப்புகளை தானம் செய்யவேண்டும் என்று இல்லை.

நம்மில் யார் வேண்டுமானலும் உறுப்புகளை முழு மனதுடன் தானம் செய்யலாம்.

உயிரைக் காக்கும் உறுப்பு தானத்தை 18 வயதிற்கு மேற்பட்ட யார் வேண்டுமானாலும் செய்யலாம்.இதற்கு ஏழை,பணக்காரன் வித்தியாசமெல்லாம் இல்லை.

இணையதள முகவரி:

அதற்கு நீங்கள் செய்ய வேண்டியதெல்லாம் இதுதான்.எந்த மருத்துவமனையையும் தேடி செல்ல வேண்டியதில்லை. www.donatelifeindia.org என்ற இணையதளத்திற்கு செல்லுங்கள்.

பதிவு செய்யுங்கள்:

அதில் ரெஜிஸ்டர் என்ற இடத்தில் சென்று உங்களுடைய முகப்புத்தகம் வழியாகவோ, இல்லை அதே இணையதளம் வழியாகவோ, கூகுள் வழியாகவோ உள் நுழையுங்கள்.

உறுப்புகளை தானம் செய்யுங்கள்:

பின்னர் அப்பக்கத்தில் குறிப்பிடப்பட்டுள்ள உங்களுடைய பெயர், முகவரி, தொலைபேசி எண் ஆகியவற்றைக் குறிப்பிடுங்கள்.மேலும், சில விவரங்களை பூர்த்தி செய்து, எந்தெந்த உறுப்புகளை எல்லாம் தானம் செய்யப் போகிறீர்கள் என்பதையும் குறிப்பிடுங்கள்.பின்பு அந்த பக்கத்தை பதிவு செய்யுங்கள்.

தானம் முடிந்தது:

அவ்வளவுதான் முடிந்தது.உங்களுடைய உறுப்புகள் தானம் பதிவாகிவிட்டது.இதற்கான செய்தி உங்கள் மின்னஞ்சல் முகவரிக்கு அனுப்பப்படும்.

உறுப்பினர் அட்டை:

மேலும், உங்களுடைய முகவரிக்கு குறுகிய நாட்களுக்குள் உங்கள் உடல் உறுப்பு தான அட்டை அனுப்பி வைக்கப் படும்.அதுவரையிலான தற்காலிக உறுப்பினர் அட்டை உங்களுடைய மின்னஞ்சல் முகவரிக்கு அனுப்பி வைக்கப்படும்.மேலும், இது முழுக்க , முழுக்க இலவசமான ஒன்றாகும்.

8 பேர் வாழ்க்கை உங்கள் கையில்:

நீங்கள் செய்யும் உடல் உறுப்பு தானம் கிட்டதட்ட 8 பேரின் வாழ்க்கையை மீட்டுக் கொடுக்கும் சக்தி படைத்தது.அதனால், இன்னும் உடல் உறுப்பு தானம் செய்யாதவர்கள் உடனே செல்லுங்கள், உயிரை இழக்கும் தறுவாயில் உள்ளவர்களின் வாழ்க்கையில் பூ பூக்க வையுங்கள்.