அம்பாசமுத்திரம் புலிகள் சரணாலயத்திற்கு இணையதளம் துவக்கம்!
அம்பாசமுத்திரம் புலிகள் சரணாலயத்திற்கு இணையதளம் துவக்கப்பட்டு இருக்கிறது.
Recommended Video
நெல்லை: அம்பாசமுத்திரம் புலிகள் சரணாலயத்திற்கு இணையதளம் துவக்கப்பட்டு இருக்கிறது. இன்று முதல் அந்த இணையதளம் செயல்படும் என்று கூறப்பட்டு இருக்கிறது.
நெல்லை மாவட்டம் அம்பாசமுத்திரம் களக்காடு முண்டந்துறை புலிகள் சரணாலயம் உலகப் புகழ்பெற்றது ஆகும். இங்கு நாள்தோறும் அதிக எண்ணிக்கையில் மக்கள் வந்து செல்கிறார்கள்.
தற்போது இந்த பகுதிக்காக சுற்றுலா இணைய சேவை தொடங்கப்பட்டு இருக்கிறது. சுற்றுலா பயணிகளின் வசதிக்காக இந்த இணையதளம் செயல்படும்.
களக்காடு முண்டந்துறை புலிகள் காப்பக அம்பாசமுத்திரம் துனை இயக்குநர் பார்கவ தேஜா இதை திறந்து வைத்தார். அவர் கூறுகையில் ''புலிகள் சரணாலத்திற்காக புதிய இணைய தளம் அறிமுகப்படுத்தப்பட்டுள்ளது. www.kmtrecotourism.com என்ற இணையதள முகவரி மூலம் களக்காடு முண்டந்துறை புலிகள் காப்பகம் குறித்த அனைத்து தகவல்களையும் தெரிந்து கொள்ளலாம்.'' என்று குறிப்பிட்டு இருக்கிறார்.