காந்தி ஜெயந்தி குஜராத் பண்டிகையா?.. மத்திய அரசுக்கு நடிகர் கருணாகரன் அதிரடி கேள்வி
சென்னை: மத்திய அரசின் கட்டாய விடுமுறை பட்டியலில் இருந்து பொங்கல் பண்டிகை விடுமுறை நீக்கப்பட்டுள்ளது. பல்வேறு தரப்பினரும் இதற்கு எதிர்ப்பு தெரிவித்து வரும் நிலையில், நடிகர் கருணாகரன் அதிரடி கேள்வி ஒன்றை எழுப்பியுள்ளார்.
பொங்கல் பண்டிகையை கட்டாய விடுமுறை தினங்கள் பட்டியலில் இருந்து நீக்குவதாக மத்திய அரசு அறிவித்துள்ளது. நாடு முழுவதும் பொங்கல் விடுமுறை கட்டாயமல்ல என்றும், பொங்கல் திருநாளை கொண்டாடுபவர்கள் மட்டும் விடுப்பு எடுத்து கொள்ளலாம் என்றும் அந்த அறிவிப்பில் கூறப்பட்டுள்ளது.
இதனால், மத்திய அரசு ஊழியர்கள் கடும் அதிர்ச்சி அடைந்துள்ளனர். இதற்கு பல்வேறு அரசியல் கட்சி தலைவர்களும் கடும் கண்டனம் தெரிவித்து வருகின்றனர். சமூக வலைத்தளங்களிலும் ஏராளமானோர் தங்களது எதிர்ப்பை பதிவு செய்து வருகின்றனர்.
What about Gandhi Jayanthi National Holiday or limited to one state
— Karunakaran (@actorkaruna) January 9, 2017
இந்த நிலையில் நடிகர் கருணாகரன் தனது டுவிட்டர் பக்கத்தில் அதிரடி கேள்வி ஒன்றை எழுப்பியுள்ளார். அதில், காந்தி ஜெயந்தி ஒரு மாநிலத்திற்கு மட்டும் தானா? என பதிவிட்டுள்ளார்.