நம்பிக்கை தரும் அடுத்த தலைமுறை தலைவர் ஸ்டாலின் - புதிய தலைமுறை சர்வேயில் செம ஆதரவு
சென்னை: நம்பிக்கை தரும் அடுத்த தலைமுறை தலைவர் யார் ? என்பதில் திமுக பொருளாளர் மு.க. ஸ்டாலின் - 27.09%; தேமுதிக தலைவர் விஜயகாந்த் 9.71%; பாமக இளைஞரணி தலைவர் அன்புமணி 5.61% ஆதரவு தருவதாக புதிய தலைமுறை நடத்திய கருத்து கணிப்பில்
தெரிவிக்கப்பட்டுள்ளது.
புதிய தலைமுறை தொலைக்காட்சியும், ஏபிடி நிறுவனமும் இணைந்து கருத்து கணிப்பு நடத்தியது. தமிழகத்தில் சென்னை உள்பட 5 மண்டலங்களில் ஜன. 22-ந் தேதி முதல் பிப்ரவரி 6-ந் தேதி வரை கருத்து கணிப்பு நடத்தப்பட்டது. இதில் படித்தவர்கள், படிக்காதவர்கள், ஏழைகள், பணக்காரர்கள், விவசாயிகள், கட்சி சார்ந்தவர்கள், சாராதவர்கள், புதிய வாக்காளர்கள் என பல தரப்பட்ட மக்களிடம் எடுக்கப்பட்ட கருத்துக் கணிப்பில் பல தரப்பட்ட கேள்விகள் முன்வைக்கப்பட்டன.
அதில் நம்பிக்கை தரும் அடுத்த தலைமுறை தலைவர் யார்? என்ற கேள்விக்கு மக்கள் அளித்த பதில்:
ஸ்டாலின் - 27.09%;
விஜயகாந்த் 9.71%;
அன்புமணி 5.61%