இந்த ரசிகரின் விருப்பத்தை விஜய் நிறைவேற்றுவாரா??
சென்னை: மணிரத்தினம், பாலா, அமீர், கார்த்திக் சுப்புராஜ், பா.ரஞ்சித் ஆகிய இயக்குநர்களின் படங்களில் நடித்து தான் ஒரு சிறந்த நடிகர் என்பதை விஜய் வெளிப்படுத்த வேண்டும் என்று அவரது ரசிகர் ஒருவர் விருப்பம் தெரிவித்துள்ளார்.
திண்டுக்கல்லைச் சேர்ந்தவர் பி.ராம் பிரசாத். வெளிநாட்டில் வேலை பார்க்கும் இவர் விஜய் பிறந்த நாளையொட்டி அனுப்பியுள்ள வாழ்த்துச் செய்தியில் கூறியுள்ளதாவது:
விஜய்க்கு எனது அட்வான்ஸ் பிறந்த நாள் வாழ்த்துகள். விஜய் படங்கள் அனைத்துமே கமர்ஷியலாக வெற்றி பெற்றவை. அவரது முக பாவனை, பாடி லாங்குவேஜ், நடனம், சண்டைக் காட்சிகள், காமெடி, திரைக்குப் பின்னர் அவர் அமைதியாக இருப்பது ஆகியவற்றால் நான் கவரப்பட்டேன்.
அவர் ஒரு ஒட்டுமொத்த கமர்ஷியல் நடிகர். அவருக்கு 10க்கு 8.5 மதிப்பெண் கொடுப்பேன். ஒரு ரசிகராக எனக்கு ஒரு ஆசை உள்ளது. அவன் இவன் விஷால் போல, சேது விக்ரம் போல, அந்நியன் விக்ரம் போல, தூம் 2 படத்தில் வரும் திருடன் கேரக்டர் போல விஜய்யும் சிறப்பாக நடிக்க வேண்டும் என்பதே எனது ஆசை.
தயவு செய்து பாலா, அமீர், கார்த்திக் சுப்புராஜ், மணிரத்தினம், ரஞ்சித் போன்ற இயக்குநர்களைத் தேர்வு செய்து விஜய் நடிக்க வேண்டும். அவர் படத்தை மற்ற ரசிகர்களும் பார்க்க வேண்டும். இது எனது ஆசை.
விஜய்க்கு எனது இனிய பிறந்த நாள் வாழ்த்துகள்...!