தொழிலாளர் தினம்.. தமிழகம் முழுவதும் கொடியேற்றி கோலாகல கொண்டாட்டம்: வீடியோ

தமிழகம் முழுவதும் இன்று மே தினம் கோலாகலமாக கொண்டாடப்பட்டது. மாவட்டந்தோறும் கொடிகள் ஏற்றப்பட்டு தொழிலாளர்கள் தங்களுக்கான தினத்தை கொண்டாடி மகிழ்ந்தனர்.

சென்னை; தொழிலாளர் தினமான மே 1ம் நாள் தமிழகம் முழுவதும் சிறப்பாக கொண்டாடப்பட்டது. மே 1ம் தேதியான இன்று தொழிலாளர் தினமாக தமிழகத்தில் கடைபிடிக்கப்பட்டு வருகிறது.

உலகத் தொழிலாளர்கள் அனைவருக்குமான தினமான இன்று தமிழகத்தில் சிறப்பாக கொண்டாடப்பட்டது. இந்த நன்நாளில் அனைத்து அரசியல் கட்சித் தலைவர்களும் தொழிலாளர்களுக்கு வாழ்த்துகளைத் தெரிவித்துள்ளனர்.

மாவட்ட தலைநகரங்களில் அரசு சார்பில் கொடியேற்று விழாக்கள் நடைபெற்றன. அதே போன்று தொழிற்சங்க அலுவலகங்களில் கொடிகள் ஏற்றப்பட்டு இனிப்புகள் வழங்கப்பட்டன.

இன்று காலை மே தினப் பூங்காவில் உள்ள நினைவுத் தூணுக்கு திமுக செயல் தலைவர் மு.க. ஸ்டாலின் மரியாதை செலுத்தினார். இதே போன்று மார்க்சிஸ்ட் மற்றும் இந்திய கம்யூனிஸ்ட் கட்சிகளின் தலைமை அலுவலகங்களில் தலைவர்கள் கொடியேற்றி ஒருவருக்குகொருவர் வாழ்த்து தெரிவித்தனர்.

English summary

Workers celebrated May Day all over Tamil Nadu today.