கமல் மட்டுமில்லைங்க.. அவர் குடும்பமே கிறிஸ்துவ மதத்திற்கு மாற்றம்.. எச் ராஜாவின் வில்லங்க பேச்சு

கும்பகோணம்: கமல்ஹாசன் கிறிஸ்துவ மதத்திற்கு மாறிவிட்டார் என பாஜக தேசிய செயலாளர் எச் ராஜா வில்லங்கமாக பேசியுள்ளார்.

அரவக்குறிச்சியில் தேர்தல் பிரசாரத்தில் ஈடுபட்டிருந்த கமல்ஹாசன், சுதந்திர இந்தியாவின் முதல் தீவிரவாதி ஒரு இந்து என தெரிவித்திருந்தார். இதையடுத்து கமல்ஹாசன் இந்துக்களுக்கு எதிராக பேசியதாக சர்ச்சை எழுந்தது.

இது போன்ற கருத்தை தான் ஏன் கூறினேன் என்பதற்கான விளக்கத்தை மதுரை மாவட்டம் தோப்பூரில் நடந்த தேர்தல் பிரசாரத்தில் கமல்ஹாசன் விளக்கினார். இந்த நிலையில் கமலுக்கு எதிராக பல்வேறு வழக்குகள் போடப்பட்டன.

கமல் கிறிஸ்டியன்

இந்த நிலையில் இதுகுறித்து பாஜகவின் தேசிய செயலாளர் எச் ராஜா கும்பகோணத்தில் செய்தியாளர்களுக்கு பேட்டி அளித்தார். அப்போது அவர் கூறுகையில் கமல் கிறிஸ்துவ மதத்திற்கு மாறிவிட்டார்.

கிறிஸ்துவத்தை பரப்பிய கமல்

அவர் மட்டும் இல்லை. அவரது குடும்பத்தினரும் கிறிஸ்துவ மதத்திற்கு மாறிவிட்டனர். நான் கிறிஸ்துவ மதத்தை பரப்பி வருகிறேன் என கமலே ஒரு முறை கூறியிருந்தார்.

விஷமத்தை

இதை ஒவ்வொரு இந்துக்களும் புரிந்து கொண்டு கமலை புறக்கணிக்க வேண்டும் என எச் ராஜா தெரிவித்துள்ளார். எப்போதும் எச் ராஜாவுக்கு ஏதாவது விஷமத்தை பரப்புவதுதான் வேலை.

வாக்காளர் அடையாள அட்டை

முன்பு ஒரு முறை ஜிஎஸ்டி குறித்து வசனங்கள் இடம்பெற்றிருந்த விஜய் திரைப்படத்திற்கும் இது போல் சம்பந்தமே இல்லாமல் விஜயின் பெயர் ஜோசப் விஜய் என பொறிக்கப்பட்டிருந்த வாக்காளர் அடையாள அட்டையை வெளியிட்டு பரபரப்பை ஏற்படுத்தியிருந்தார்.

சும்மா இருக்காத

இதையடுத்து விஜய் ரசிகர்களிடமும் நெட்டிசன்களிடமும் வாங்கிக் கட்டிக் கொண்டார். தற்போது இதுபோல் கமல்ஹாசன் குறித்து சர்ச்சைக்குரிய தகவலை தெரிவித்துள்ளார் எச் ராஜா. இவரது வாய் சும்மாவே இருக்காது போலும்!.

English summary

BJP National Secretary H.Raja says that Kamal Haasan and his family totally converts into Christianity.