India
  • search
திருநெல்வேலி அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

உதயநிதி சொல்லியும் கேட்கவில்லை.. நெல்லை திமுக அன்பு தொல்லை.. அமைச்சர் பதவிக்காக அதிரடி தீர்மானம்

Google Oneindia Tamil News

நெல்லை: திமுக இளைஞரணிச் செயலாளர் உதயநிதி ஸ்டாலினுக்கு அமைச்சர் பதவி வழங்க வேண்டும் என நெல்லை மத்திய மாவட்ட திமுக செயற்குழு கூட்டத்தில் தீர்மானம் நிறைவேற்றப்பட்டுள்ளது.

தனக்கு அமைச்சர் பதவி தர வேண்டும் என தீர்மானம் நிறைவேற்றி தலைமைக்கு தர்மசங்கடத்தை ஏற்படுத்த வேண்டாம் என உதயநிதி நேற்றிரவு தான் அறிக்கை வாயிலாக வேண்டுகோள் விடுத்திருந்தார்.

ஆனால் நீங்கல் சொல்றதை சொல்லுங்க, நாங்கள் செய்றதை செய்வோம் என்கிற வகையில் உதயநிதிக்கு அமைச்சர் பதவி தரக்கோரி நெல்லை மத்திய மாவட்ட திமுக செயலாளர் அப்துல் வஹாப் தீர்மானம் நிறைவேற்றியுள்ளார்.

அமைச்சர் ஆன பின்.. பண்ண கூடாது! தலைமை போடும் கண்டிஷன்? உதயநிதி முன்னுள்ள அமைச்சர் ஆன பின்.. பண்ண கூடாது! தலைமை போடும் கண்டிஷன்? உதயநிதி முன்னுள்ள

பிள்ளையார் சுழி

பிள்ளையார் சுழி

திமுக இளைஞரணிச் செயலாளர் உதயநிதி ஸ்டாலினுக்கு அமைச்சர் பதவி வழங்க வேண்டும் என திருச்சி தெற்கு மாவட்ட திமுக செயற்குழு கூட்டத்தில் தீர்மானம் நிறைவேற்றி பிள்ளையார் சுழி போட்டு வைத்தார் பள்ளிக்கல்வித்துறை அமைச்சர் அன்பில் மகேஷ் பொய்யாமொழி. இதைத் தொடர்ந்து தஞ்சாவூர், திண்டுக்கல் என வரிசையாக அடுத்தடுத்த மாவட்டங்களில் உதயநிதிக்கு அமைச்சர் பதவி வழங்கக்கோரி தீர்மானங்கள் நிறைவேற்றப்பட்டன.

 மூத்த அமைச்சர்

மூத்த அமைச்சர்

இதில் குறிப்பிட வேண்டிய விவகாரம் என்னவென்றால் திண்டுக்கல் கிழக்கு மாவட்ட திமுக சார்பில் நிறைவேற்றப்பட்ட இந்த தீர்மானத்துக்கு தலைமை வகித்தவரே மூத்த அமைச்சரும், திமுக துணைப் பொதுசெயலாளருமான ஐ.பெரியசாமி தான். இதனிடையே இந்த விவகாரம் பூதாகரமாகிய நிலையில் நேற்று உதயநிதி ஸ்டாலினிடம் இருந்து தன்னடக்கமான அறிக்கை ஒன்று வெளியானது.

அன்பு நெருக்கடி

அன்பு நெருக்கடி

அதில் தனக்கு அமைச்சர் பதவி தர வேண்டும் என இனியும் திமுக மாவட்டச் செயலாளர்கள் தீர்மானம் நிறைவேற்றி தலைமைக்கு தர்ம சங்கடத்தை ஏற்படுத்த வேண்டாம் எனக் கேட்டுக்கொண்டிருந்தார். உதயநிதி அவ்வளவு தூரம் கேட்டுக்கொண்ட பிறகு, நெல்லை மத்திய மாவட்ட திமுக தலைமைக்கு அன்பு நெருக்கடி கொடுத்துள்ளது. அதாவது உதயநிதியை அமைச்சரவையில் இணைக்க வேண்டும் என அப்துல் வஹாப் எம்.எல்.ஏ.தீர்மானம் நிறைவேற்றியிருக்கிறார்.

தொடரும் நிகழ்வு

தொடரும் நிகழ்வு

உதயநிதி சொல்லிவிட்டார் என்பதற்காக யாரும் அமைதியாக இருக்கமாட்டார்கள் என்பதையே இது போன்ற நிகழ்வுகள் காட்டுகின்றன. இனியும் உதயநிதி ஸ்டாலினை அமைச்சரவையில் சேர்க்கக் கோரி திமுக மாவட்டச் செயலாளர்கள் தீர்மானம் நிறைவேற்றுவார்கள் என எதிர்பார்க்கப்படுகிறது. இந்த விவகாரத்தை பொறுத்தவரை இதை ஒரு அன்பு நெருக்கடியாகவே தலைமை கருதுகிறது.

English summary
Nellai Central district Dmk passed a resolution:
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X