தம்பிக்கு வயசு 19.. பொண்ணுக்கு ஜஸ்ட் 16தான்.. காதல்.. மோதல்.. மலையிலிருந்து குதித்து.. படுகாயம்
மலை உச்சியில் இருந்து காதலர்கள் கீழே விழும் காட்சி வைரலாகி வருகிறது
Recommended Video
திருவண்ணாமலை: புன்னகை மன்னன் படத்தில் கமலும், ரேகாவும் மலை உச்சியில் இருந்து குதிக்கும் லாங் ஷாட் போல இருக்கிறது இந்த வீடியோ காட்சியும்.. காதலர்கள் 2 பேரும் தற்கொலை செய்ய மலை உச்சியில் இருந்து கீழே குதித்து.. இப்போது ஆஸ்பத்திரியில் கட்டு போட்டு படுத்துள்ளனர்.
அருண்குமார் - நீலாம்பரி.. இவர்கள்தான் அந்த காதல் ஜோடி.. செங்கத்தை அடுத்த சந்தபுதுப்பாளையம் பகுதியை சேர்ந்த அருண்குமார், சோமாசிபாடியில் உள்ள தனியார் காலேஜில் 2-ம் ஆண்டு மெக்கானிக்கல் பிரிவு படித்து வருகிறார். அருண்குமாருக்கு வயசு 19, இவரது காதலிக்கு வயசு 16!
அந்த பெண் ஆம்பூரை சேர்ந்தவர். ஏதோ ஒரு கல்யாணத்தில் 2 பேரும் பார்த்திருக்கிறார்கள்.. மண்டபத்திலேயே காதல் வந்துவிட்டது. ஆளாளுக்கு செல்போனை நம்பரை வாங்கி கொண்டு பேசி காதலை வளர்த்து வந்துள்ளனர். இருவரும் வேறு வேறு சமுதாயத்தை சேர்ந்தவர்கள்! வீட்டில் விஷயம் தெரிந்து ரெண்டு தரப்பிலும் கொதித்து போய்விட்டனர்.
டீச்சர்.. எனக்கு தர போறீங்களா.. இல்லையா.. மறுத்த ஆசிரியை.. சரமாரியாக கத்தியால் குத்திய மாணவன்!
தற்கொலை
இதனால் ஓடிப்போய் கல்யாணம் செய்து கொள்ள ஆசைப்பட்டனர். பெண்ணுக்கு 16 வயசுதானே ஆகிறது.. இப்ப கல்யாணம் பண்ண கூடாது என்று நண்பர்கள் அருண்குமாருக்கு அட்வைஸ் தந்தனர். இதனால் இந்த ஜோடி வெறுப்பாகி விட்டது. பேசாமல், தற்கொலை செய்து கொள்ளலாம் என்று முடிவெடுத்து, போளூருக்கு வந்திருக்கிறார்கள்.
மலை உச்சி
சுயம்பு லட்சுமி நரசிம்மசுவாமி மலை மீது இருவரும் ஏறினர். அது 900 படிக்கட்டுக்களை உடையது. மலைமேலேயே இருவரும் இரவு தங்கிவிட்டனர். திரும்பவும் காலையில் இறங்கி வந்து ஒரு ஓட்டலில் சாப்பிட்டுவிட்டு மலை மீது ஏறினர். இவர்களின் நடமாட்டத்தை கண்ட அந்த பகுதி மக்கள், போளூர் போலீசுக்கு தகவல் சொன்னார்கள். விரைந்து வந்த போலீசார், பாறைகள் வழியாகவும், மலை மீது ஏறியும் காதல் ஜோடியை தேட ஆரம்பித்தனர்.
படுகாயம்
இதனை கண்ட அந்த ஜோடி, 300 அடி உயர மலை உச்சியில் இருந்து தற்கொலை செய்து கொள்ள கீழே குதித்தனர். ஆனால், கீழே உள்ள பாறையில் இருவருமே விழுந்துவிட்டதால் படுகாயம் அடைந்தனர். அவர்களை கண்ட மக்களும், போலீசாரும் அதிர்ச்சியடைந்து, உடனடியாக மீட்டுபோளூர் ஆஸ்பத்திரியிலும், பின்னர் திருவண்ணாலை அரசு ஆஸ்பத்திரியிலும் சேர்த்தனர்.
வீடியோ
இப்போது ஜோடிக்கு சிகிச்சை நடந்து வருகிறது. இந்த காதலர்கள் மலை மீதிருந்து குதிக்கும் காட்சியை அங்கிருந்தோர் செல்போனிலும் படம் பிடித்துள்ளனர். அந்த வீடியோதான் படுவைரலாகி வருகிறது.