நன்னிலம் அருகே அதிவேகமாக மோதிய கார்.. தூக்கி எறியப்பட்ட முதியவர் - சிசிடிவி காட்சி

திருவாரூர்: காக்கா கோட்டூர் பகுதியில் சைக்கிளில் சென்றுக் கொண்டிருந்த முதியவர் மீது கார் மோதிய சிசிடிவி காட்சிகள் காண்போரை அதிர்ச்சியடைய வைத்துள்ளது.

திருவாரூர் மாவட்டம் நன்னிலம் அருகே திருவாரூர் - மயிலாடுதுறை சாலையில் உள்ள காக்கா கோட்டூர் என்ற பகுதியில், எட்டியலூர் தெற்கு தெருவை சேர்ந்த முதியவர் காத்தான் (வயது 65) என்பவர் சைக்கிளில் சென்று கொண்டிருந்தார்.

அப்போது மயிலாடுதுறையிலிருந்து திருவாரூர் நோக்கி அதிவேகமாக சென்ற கார், நிலைத் தடுமாறி அவர் மீது மோதியது, இதில் தூக்கி வீசப்பட்டு படுகாயம் அடைந்த காத்தான், திருவாரூர் அரசு மருத்துவக்கல்லூரி மருத்துவமனையில் சிகிச்சைக்காக அனுமதிக்கப்பட்டுள்ளார்.

இதுகுறித்து தகவலறிந்த நன்னிலம் போலீசார் சம்பவ இடத்திற்கு விரைந்து விசாரணை செய்ததில், கார் ஓட்டி வந்தவர், பேரளம் அருகே கடுவங்குடி கிராம நிர்வாக அலுவலராக பணிபுரிந்து வரும் ராமமூர்த்தி என்பது தெரியவந்தது.

இதனை அடுத்து ராமமூர்த்தியை நன்னிலம் காவல்துறையினர் கைது செய்து காரையும் பறிமுதல் செய்தனர்.

நொடிப்பொழுதில் முதியவர் மீது கார் மோதி விபத்து ஏற்படுத்திய சம்பவம் அப்பகுதி மக்களை அதிர்ச்சியடைய வைத்துள்ளது.

English summary

Here the shocking video of car accident at Thiruvarur