இந்தி தெரியாது போடா.. அந்த சட்டை டிசைன் யாரோடது தெரியுங்களா.. இதோ இவர்தாங்க!
திருப்பூர்: கடந்த வார இறுதியில் தமிழ்நாடு மட்டுமின்றி உலகெங்கும் தமிழர்களை கட்டிப்போட்டது ''இந்தி தெரியாது போடா'', ''நான் தமிழ் பேசும் இந்தியன்'' என்ற வாசகங்கள் அடங்கிய டி சர்ட்தான். இந்த டி சர்ட்டை வடிவமைத்தவர் திருப்பூரைச் சேர்ந்த கார்த்திகேயன் என்பது தெரிய வந்துள்ளது.
இந்த டி சர்ட்டை தமிழ் பிரபலங்கள், சினிமா பிரபலங்கள் அணிந்த புகைப்படங்கள் வைரலாகி இருந்தது. இதைப்பார்த்து பலரும் ஆர்டர் செய்து இருப்பதாக சமூக வலைதளங்களில் பதிவு செய்து இருந்தனர்.
இந்த டி சர்ட்டை வடிவமைத்தவர் திருப்பூர் வீரபாண்டி பகுதியைச் சேர்ந்த கார்த்திகேயன் என்பது தெரிய வந்துள்ளது. இவர் திருப்பூர் மாவட்ட திமுக மாணவரணி அமைப்பாளராக இருக்கிறார். இவர் கடந்த 5 ஆண்டுகளாக பின்னலாடை நிறுவனம் நடத்தி வருகிறார். இவரிடம் இந்த டி சர்ட்களுக்கு திமுக எம்பி கனிமொழி ஆர்டர் கொடுத்து இருந்தாராம்.
திமுக என்ன இந்து கட்சியா.. பிள்ளையாரை காட்டுவாங்களாம்.. மங்கல இசை முழங்குமாம்.. நெட்டிசன்கள் கலாய்!
Recommended Video
துவக்கத்தில் வெறும் 1,500 டி சர்ட்டுகளுக்கு மட்டுமே ஆர்டர் கொடுக்கப்பட்டுள்ளது. திரை பிரபலங்களும் அணிந்து வைரலானது. இதையடுத்து பலரும் ஆர்டர் கொடுத்துள்ளதாக கார்த்திகேயன் தனியார் சேனல் ஒன்றுக்கு அளித்த பேட்டியில் தெரிவித்துள்ளார். தற்போது இவருக்கு 15,000க்கும் அதிகமான டி சர்ட்களுக்கு ஆர்டர் கிடைத்துள்ளதாம். இந்தியா மட்டுமின்றி கத்தார், அமெரிக்கா ஆகிய நாடுகளில் இருந்தும் ஆர்டர்கள் குவிந்து வருகிறதாம்.