திருச்சியில் பல்வேறு கோரிக்கைகளை வலியுறுத்தி அரை நிர்வாணமாக விவசாயிகள் போராட்டம்
திருச்சி: பல்வேறு கோரிக்கைகளை வலியுறுத்தி தேசிய தென்னிந்திய நதிகள் இணைப்பு விவசாயிகள் சங்கத்தின் சார்பில் திருச்சி மாவட்ட ஆட்சியரகம் முன் இன்று அரை நிர்வாணப் போராட்டம் நடைபெற்றது.
தேசிய தென்னிந்திய நதிகள் இணைப்பு விவசாயிகள் சங்க மாநிலத் தலைவர் அய்யாக்கண்ணு தலைமையில் 100-க்கும் மேற்பட்ட விவசாயிகள் இன்று திருச்சியில் போராட்டத்தில் ஈடுபட்டனர். பயிர்க்கடன் தள்ளுபடி செய்யவேண்டும், சேதமான பயிர்களுக்கு இழப்பீடு வழங்க வேண்டும் உள்ளிட்ட கோரிக்கைகளை வலியுறுத்தி இந்த போராட்டம் நடைபெற்றது.
இதனால் திருச்சி மாவட்ட ஆட்சியரகம் முன் 2 மணி நேரத்துக்கும் மேலாக பரபரப்பு காணப்பட்டது. எங்கள் கோரிக்கை முழுமையாக நிறைவேற்றுவரை பல்வேறு கட்டமாக போராட்டம் நடத்தப்படும் என்று விவசாயிகள் சங்கத்தின் தலைவர் அய்யாக்கண்ணு தெரிவித்தார்.
ஆம்பன்: 21 ஆண்டுகளுக்குப் பின்.. சூப்பர் புயலை தில்லாக எதிர்கொள்ள தயாராகும் ஒடிஷா, மே. வங்கம்