Click it and Unblock the Notifications
Don't Miss
-
விமானம் தரையிறங்கும் முன் எரிபொருளை விமானிகள் வேண்டுமென்றே திறந்துவிடுவார்கள்.. நாடுவானில் ஏன் இத செய்யுறாங்க? -
மீண்டும் தள்ளிப்போன அரண்மனை 4.. விஷாலின் அந்த குற்றச்சாட்டு தான் காரணமா?.. இப்படி ஆகிடுச்சே! -
வெயில் காலத்தில் உங்க சிறுநீரகம் பாதுகாப்பா இருக்க தினமும் எத்தனை கிளாஸ் தண்ணீர் குடிக்கணும் தெரியுமா? -
ஏப்ரல் 24 உறுதி.. ரூ.12000 போதும்.. 45W சார்ஜிங்.. 256ஜிபி மெமரி.. Flat டிஸ்பிளே.. எந்த போன்? -
ஹர்திக் பாண்டியா கதையை முடிக்கப் போகும் தோனி - ருதுராஜ்.. சிஎஸ்கே அணியில் என்ன நடக்கிறது? -
விப்ரோ: அசிம் பிரேம்ஜி, ரிஷாத் பிரேம்ஜி-க்கு மீண்டும் முக்கிய பதவி.. அடுத்த 5 வருடத்திற்கு அசைக்க முடியாது. -
இங்க போறது கொஞ்ச கஷ்டம் தான் – ஆனா வொர்த்! அப்படி ஒரு இயற்கை அழகுகுங்க -
பிளஸ்-2 படித்திருந்தால் போதும்...மத்தியஅரசு வேலை தயார்..!!
ஹஜ் யாத்ரீகர்களுக்காக சிறப்பு உதவி மையம்... திருச்சி பாஸ்போர்ட் அலுவலகம் ஏற்பாடு!
திருச்சி : ஹஜ் யாத்திரை செல்வோருக்கு உதவும் வகையில் திருச்சி மண்டல பாஸ்போர்ட் அலுவலகத்தில் அமைக்கப்பட்டுள்ள சிறப்பு உதவி மையம் நவ.11ஆம் தேதி வரை செயல்படும் என்று மண்டல பாஸ்போர்ட் அலுவலர் ஆர்.ஆனந்த் தெரிவித்துள்ளார்.
மண்டல பாஸ்போர்ட் அலுவலர் ஆனந்த் வெளியிட்டுள்ள அறிக்கையில், ஆண்டுதோறும் ஹஜ் யாத்திரை செல்வோருக்கு பாஸ்போர்ட் (கடவுச்சீட்டு) வழங்குவதற்காக அந்தந்த மண்டல பாஸ்போர்ட் அலுவலகத்தில் சிறப்பு உதவி மையங்கள் மூலம் செயல்பட்டு வருகிறது. அந்த வகையில், இந்த ஆண்டு ஹஜ் யாத்திரை செல்ல பதிவு செய்துள்ளோருக்கும் திருச்சி மண்டல பாஸ்போர்ட் அலுவலகத்தில்சிறப்பு உதவி மையம் மூலம் சேவைகள் மேற்கொள்ளப்பட்டு வருகின்றன.
இதில் திருச்சி, தஞ்சை, புதுக்கோட்டை, கரூர், அரியலூர், பெரம்பலூர், நாகை, திருவாரூர் உள்ளிட்ட மாவட்டங்களைச் சேர்ந்தவர்கள் பயன்பெற முடியும். ஹஜ் பயணம் மேற்கொள்வோர் தங்களது பாஸ்போர்ட்டுகளை நவ.11ஆம் தேதிக்குள் பதிவு செய்ய வேண்டும் என ஹஜ் கமிட்டிக் குழு அறிவித்துள்ளது. குறைந்தபட்சம் 2020 டிச.31ஆம் தேதி வரையில் பாஸ்போர்ட் பயன்பாட்டில் இருப்பதுடன், கணினி மூலம் பயன்படுத்தப்படத்தக்க எழுத்துகள் அச்சடிக்கப்பட்டவையாக இருக்க வேண்டும்.
இந்நிலையில் ஹஜ் பயணம் மேற்கொள்வோருக்கு திருச்சி மண்டல பாஸ்போர்ட் (மரக்கடை) அலுவலகத்தில் சிறப்பு உதவி மையம் அமைக்கப்பட்டுள்ளது. ஹஜ் பயணத்துக்காக பாஸ்போர்ட் விண்ணப்பித்து போலீஸ் விசாரணை முடித்து பாஸ்போர்ட் வரப்பெறாதவர்கள், இந்த பாஸ்போர்ட் உதவி மையத்தை அணுகலாம்.
ஹஜ் யாத்திரை குழுவில் பதிவு செய்தமைக்கு ஏதேனும் சான்று, பாஸ்போர்ட் விண்ணப்பித்த (ஏஆர்என்) ரசீது உள்ளிட்டவைகளுடன் உதவி மையத்தை அணுகலாம். இந்த மையம் நவ.11ஆம் தேதிவரை இயங்கும். இதுவரை பாஸ்போர்ட் விண்ணப்பிக்காதவர்களும் விண்ணப்பித்து உதவி மையத்தின் மூலம் பயன்பெறலாம் என அதில் தெரிவிக்கப்பட்டுள்ளது.
