தூத்துக்குடி அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

அண்ணாத்த ஆடுறார்... ஒத்திக்கோ... சிலம்பும் சுற்றும் திமுக எம்.எல்.ஏ... 18-ஐ வியக்க வைத்த 68..!

Google Oneindia Tamil News

தூத்துக்குடி: திருச்செந்தூர் தொகுதி திமுக சட்டமன்ற உறுப்பினர் அனிதா ராதாகிருஷ்ணன் சிலம்பம் விளையாடும் வீடியோ ஒன்று சமூக வலைதளங்களில் வைரலாகி வருகிறது.

அனிதா சிலம்பம் ஆடும் காட்சிகளை தொகுத்து அதன் பின்னணியில் 'அண்ணாத்த ஆடுறார் ஒத்திக்கோ' என்ற பாடலை இணைத்துள்ளனர் அவரது ஆதரவாளர்கள்.

68 வயதுடைய அனிதா ராதாகிருஷ்ணன் தனது இளம் வயதிலேயே முறையாக சிலம்பம் கற்றுக்கொண்டவர் என்பது குறிப்பிடத்தக்கது.

அமெரிக்கா அதிபர் டிரம்ப்-க்கு சிலை அமைத்து வழிபாடு நடத்திய தீவிர தெலுங்கானா பக்தர் மாரடைப்பால் மரணம்அமெரிக்கா அதிபர் டிரம்ப்-க்கு சிலை அமைத்து வழிபாடு நடத்திய தீவிர தெலுங்கானா பக்தர் மாரடைப்பால் மரணம்

அனிதா ராதாகிருஷ்ணன்

அனிதா ராதாகிருஷ்ணன்

தூத்துக்குடி மாவட்டம் திருச்செந்தூர் தொகுதி மக்களின் செல்லப்பிள்ளையாக வலம் வருபவர் அனிதா ராதாகிருஷ்ணன். காரணம் காதுகுத்து, கல்யாணம் என யார் அழைப்பிதழ் கொடுத்தாலும் தவறாது சென்று மொய் வைக்க தவறாதவர். இதனால் 'அண்ணாச்சி.. அண்ணாச்சி' என்று அவரை சுற்றி வரும் ஆதரவாளர்கள் வட்டம் பெரியது.

சுறுசுறுப்பு

சுறுசுறுப்பு

இதனிடையே அனிதா ராதாகிருஷ்ணனுக்கு 68 வயது நடந்தாலும் தன்னை எப்போதும் 18-வயது இளைஞராகவே காட்டிக்கொள்வார். கட்சிப்பணிகளில் அவர்காட்டி வரும் சுறுசுறுப்பு காரணமாக அவர் மீதான உட்கட்சி புகார்களை ஓரங்கட்டி தொடர்ந்து முக்கியத்துவம் கொடுத்து வருகிறார் ஸ்டாலின். அதேபோல் தூத்துக்குடி எம்.பி. கனிமொழிக்கும் பக்கபலமாக நின்று தொகுதி வளர்ச்சிப் பணிகளில் உதவி வருகிறார்.

கருத்து வேறுபாடு

கருத்து வேறுபாடு

மறைந்த வெங்கடேச பண்ணையார் நினைவுநாள் பேனர் வைக்கும் விவகாரத்தில் அவரது தம்பி சுபாஷ் பண்ணையாருக்கும் இவருக்கும் அண்மையில் கருத்துவேறுபாடு ஏற்பட்டு அனிதாவின் காரை உடைக்கும் அளவுக்கு நிலைமை சென்றது. இதையடுத்து தனது காரை சேதப்படுத்தியதாக சுபாஷ் பண்ணையார் தரப்பு மீது புகார் கூறி உரிய நடவடிக்கை எடுக்குமாறு காவல்துறையினரிடம் கோரிக்கை விடுத்தார் அனிதா ராதாகிருஷ்ணன்.

உடல் வலிமை

உடல் வலிமை

இந்த சூழலில் தனக்கு வயதானாலும் தனக்கிருக்கும் ஆற்றலும், உடல் பலமும் இன்னும் குறையவில்லை என்பதை உணர்த்தும் வகையில் கம்பு சுற்றி அசரடித்து இருக்கிறார் அனிதா. திருச்செந்தூர் அருகே தண்டுபத்து கிராமத்தில் உள்ள தனது தோட்டத்தில் அனிதா ராதாகிருஷ்ணன் சிலம்பம் விளையாடும் வீடியோ சமூக வலைதளங்களில் வைரலாகி வருகிறது.

English summary
DMK MLA Anitha Radhakrishnan Playing Silambam
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X