2 மினி பேருந்துகள் போதும்… கமல் கட்சி பற்றி ராஜேந்திர பாலாஜி கிண்டல்
விருதுநகர்: கமல் கட்சி நிர்வாகிகளை 2 மினி பேருந்துகளில் அடக்கி விடலாம் என்று பால்வளத்துறை அமைச்சர் ராஜேந்திர பாலாஜி தெரிவித்துள்ளார்.
விருதுநகர் மாவட்டம் சாத்தூரில் செய்தியாளர்களிடம் அவர் பேசியதாவது, இந்தத் தேர்தலோடு கமல்ஹாசன் கட்சி காணாமல் போய்விடும் என்றார்.
மக்களவை தேர்தலுக்குப் பின் அதிமுகவின் அரசியல் அதிகாரம் டெல்லி வரை செல்லும் என்று கூறிய ராஜேந்திர பாலாஜி, கமலின் மக்கள் நீதி மய்யம் இந்தத் தேர்தலோடு காணாமல் போய்விடும் என்றார்.
உங்கள் வாக்கு அன்பு சகோதரி கனிமொழிக்கே.. வாய் தவறி பிரசாரம் செய்த விளாத்திக்குளம் அதிமுக வேட்பாளர்!
தே.மு.தி.க. தலைவர் விஜயகாந்த் உடல்நிலையை கருத்தில் கொண்டு அவர் தேர்தல் பிரச்சாரத்திற்கு வருவதை தாங்கள் விரும்பவில்லை என்றும் ராஜேந்திரபாலாஜி தெரிவித்தார்.
முன்னதாக, தி.மு.க. மற்றும் அ.ம.மு.க. வுக்கு வாக்களிப்பது, வாக்குகளை வீண் அடிப்பதற்கு சமம் என்றார். மேலும், திடீரென குடிப்பதை நிறுத்தினால் நரம்புத் தளர்ச்சி ஏற்படும் என்று மதுவிலக்கு குறித்து விளக்கம் அளித்தது குறிப்பிடத்தக்கது.