அதிமுக கூட்டணி அற்புதமான தம்பதி.. திமுக கூட்டணி விவாகரத்தான தம்பதி.. அமைச்சர் அடடே பேச்சு
ஸ்ரீவில்லிபுத்தூர்: அதிமுக கூட்டணி அற்புதமான தம்பதியாகும். ஆனால் திமுக கூட்டணியோ விவாகரத்தான தம்பதியாகும் என அமைச்சர் ராஜேந்திர பாலாஜி தெரிவித்தார்.
ஸ்ரீவில்லிபுத்தூரில் தென்காசி நாடாளுமன்றத் தொகுதி அதிமுக வேட்பாளர் அறிமுக கூட்டம் நேற்று நடைபெற்றது. இதில் அமைச்சர் ராஜேந்திர பாலாஜி கலந்து கொண்டார்.
என்ன செய்தார்கள்? என்ன பேசினார்கள்.. தமிழக எம்பிக்கள் 5 வருடத்தில் செயல்பட்டது எப்படி தெரியுமா?
பிரதமராக்குவோம்
அவர் பேசுகையில், திமுக- காங்கிரஸ் கூட்டணி 24 கட்சிகளை சேர்த்துக்கொண்டு, பிரதமர் வேட்பாளராக 24 பேரை சொல்லி ஓட்டு கேட்கிறார்கள். பாஜக கூட்டணியினர் மட்டுமே மோடியை மீண்டும் பிரதமராக்குவோம் எனக்கூறி வாக்கு கேட்கிறோம்.
கட்சிக்காக உயிரை கொடுத்து வேலை செய்வேன்.. அமமுகவில் இணைந்த சினிமா டான்ஸ் மாஸ்டர் கலா உருக்கம்
அதிமுக தலைமையிலான கூட்டணி
எம்.பி. தேர்தல் முடிந்தவுடன் உள்ளாட்சி தேர்தல் வந்து விடும். இந்த தேர்தலில் கோட்டை விட்டால் பின்னால் அந்த ஓட்டையை அடைப்பது கடினம். நல்ல முகூர்த்தம் பார்த்து அற்புதமான தம்பதிதான் அதிமுக தலைமையிலான கூட்டணியாகும்.
நாடு பாதுகாப்பு
திமுக தலைமையிலான கூட்டணி விவாகரத்தான கூட்டணியாகும். இந்தியாவின் இரும்பு மனிதர் பிரதமர் நரேந்திர மோடிதான். அவர் மீண்டும் பிரதமராக பதவியேற்க வேண்டும். அப்போதுதான் நாடு பாதுகாப்பாக இருக்கும்.
அதிமுகவுக்கு
தங்க தமிழ்ச் செல்வன் தேர்தல் முடிவதற்குள் வெளியேறி விடுவார். இன்னும் கொஞ்சம் நாளில் அமமுகவுக்கு மூடுவிழா நடத்திவிட்டு அங்கிருக்கும் தொண்டர்கள் அதிமுகவுக்கு வந்துவிடுவர் என்றார் ராஜேந்திர பாலாஜி.