• search
விருதுநகர் அப்டேட்டுகளுக்கு
நோட்டிபிகேஷனை அனுமதி  
Just In

ஸ்டாலினுக்கு மோடி ஃபோபியா நோய்.. அதான் எப்பவும் மோடியை குறை சொல்றாரு.. சொல்வது பாஜக சீனிவாசன்!

Google Oneindia Tamil News

விருதுநகர்: திமுக தலைவர் மு.க. ஸ்டாலினுக்கு பிஜேபி ஃபோபியா, மோடி ஃபோபியா என்னும் நோய் உள்ளது. அதனால் தான் எதற்கெடுத்தாலும் மோடியை குறை சொல்லிக் கொண்டே இருக்கிறார் என்று தமிழக பாஜக பொதுச்செயலாளர் சீனிவாசன் தெரிவித்தார்.

இந்தியாவில் உள்ள இஸ்லாமியர்களுக்கும், குடியுரிமைச் சட்டத்திற்கும் எந்த விதமான சம்மந்தமும் இல்லை என்றும் சீனிவாசன் கூறினார்.

இடஒதுக்கீட்டிற்கும், பொதுத்துறை நிறுவனங்களின் பங்கு விற்பனைக்கும் எந்தவிதமான சம்மந்தம் இல்லை என்றும் தமிழக பாஜக பொதுச்செயலாளர் தெரிவித்தார்.

யோகி ஆதித்யநாத் வருகிறார்

யோகி ஆதித்யநாத் வருகிறார்

விருதுநகரில் பாஜக தேர்தல் அலுவலகத்தில் தமிழக பாஜக பொதுச்செயலாளர் பேராசிரியர் சீனிவாசன் செய்தியாளர்களை சந்தித்தார். அப்போது அவர் கூறியதாவது:- மத்திய நிதியமைச்சர் நிர்மலா சீதாராமன் வருகிற 27-ம் தேதி பாஜக வேட்பாளரை ஆதரித்து பிரசாரம் செய்கிறார். அதனைத் தொடர்ந்து மார்ச் 31-ம் தேதி உத்திரபிரதேச முதல்வர் யோகி ஆதித்யநாத் விருதுநகரில் நடைபெறும் பிரசார பொதுக்கூட்டத்தில் கலந்து கொள்கிறார்.

மாணவர்களுக்கு டேப்லட்

மாணவர்களுக்கு டேப்லட்

பட்டாசு தொழிலாளர்களுக்கு 4 லட்சத்திற்கான இலவச விபத்துக் காப்பீட்டு திட்டம் செய்து கொடுப்போம். பள்ளி மாணவ-மாணவிகளுக்கு விலையில்லா டேப்லட் வழங்குவோம். இடஒதுக்கீட்டிற்கும், பொதுத்துறை நிறுவனங்களின் பங்கு விற்பனைக்கும் எந்தவிதமான சம்மந்தமும் இல்லை. இந்தியா சுதந்திரம் அடைந்த பொழுது தனியார் துறை வீரியமாக இல்லை என்பதால் அரசாங்கம் தலையிட்டு அதனை எடுத்து செய்ய வேண்டிய நிலைமை இருந்தது. தற்பொழுது தனியார் துறை பிரம்மாண்ட வளர்ச்சி அடைந்துள்ளதால் அரசாங்கம் அந்த சுமையை தூக்க வேண்டிய அவசியமில்லை.

ஸ்டாலினுக்கு மோடி ஃபோபியா

ஸ்டாலினுக்கு மோடி ஃபோபியா

திமுக தலைவர் மு.க. ஸ்டாலினுக்கு கடந்த 5 வருடமாகவே பிஜேபி ஃபோபியா, மோடி ஃபோபியா என்னும் நோய் உள்ளது. அதனால் தான் எதற்கெடுத்தாலும் மோடியை குறை சொல்லிக் கொண்டே கடந்த 5 வருடமாக அரசியலை ஒட்டிக்கொண்டிருக்கிறார். குடியுரிமை சட்டத்தை பற்றி மார்க்சிஸ்ட் கம்யூனிஸ்டு கட்சியின் மாநில பொதுச்செயலாளர் பாலகிருஷ்ணன் தெளிவற்ற வகையில் பேசியுள்ளார். மார்க்சிஸ்ட் கம்யூனிஸ்ட்டு கட்சி தலைவர்கள் இரண்டு சமயம் தான் வாய் திறப்பர்கள். ஒன்று சாப்பிடும் பொழுது இன்னொன்று பொய் சொல்லும் பொழுது.

 குடியுரிமைச் திருத்தச் சட்டம் முஸ்லிம்களுக்கு பாதகமில்லை

குடியுரிமைச் திருத்தச் சட்டம் முஸ்லிம்களுக்கு பாதகமில்லை

இது பாலகிருஷ்ணனின் அறிவு நாணயமற்ற செயல். குடியுரிமைச் சட்டம் என்றால் என்ன என்பது அவருக்கு நன்றாகவே தெரியும். சிறுபான்மையின மக்கள் மத்தியில் பீதியை உருவாக்குவதற்காகவே பாஜகவை குறை கூறிக் கொண்டிருக்கிறார்கள். குடியுரிமைச் திருத்தம் சட்டம் சம்மந்தமாக பிஜேபியுடன் நேருக்கு நேர் விவாதிக்க திமுக அதன் கூட்டணி கட்சிகள் தயாரா? இந்தியாவில் உள்ள இஸ்லாமியர்களுக்கும் குடியுரிமைச் சட்டத்திற்கும் எந்த விதமான சம்மந்தம் இல்லை. வெகுமதி பெறுவது பரிசு பெறுவது எல்லாம் ஊழல் இல்லை என்று ஊழலுக்கு புதிய விளக்கத்தை கொடுத்த கட்சி திமுக என்று ஸ்ரீனிவாசன் கூறினார்.

English summary
DMK leader M.K. Stalin has a disease called BJP phobia and Modi phobia. That is why he is criticizing Modi no matter what, said Tamil Nadu BJP general secretary Srinivasan
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X