அப்பா உடலுக்கு அஞ்சலி செலுத்த வந்த மிஷல் ஒபாமாவுக்கு மிட்டாய் கொடுத்த புஷ்!

தந்தையின் இறுதி சடங்கில் மிச்சேலுக்கு புஷ் இனிப்பு வழங்கினார்.

Updated: Friday, December 7, 2018, 15:08 [IST]

வாஷிங்டன்: நம்ம ஊர்லதான் ஒருவர் இறந்துவிட்டால், பிணத்தை வைத்து கொண்டு அழுது புலம்புகிறோம். ஆனால் வெளிநாட்டில் நிலைமையே வேற!!

சமீபத்தில் ஜார்ஜ் எச்டபிள்யூ புஷ் சீனியர் உடல்நிலை சரியில்லாமலும், வயது மூப்பு காரணமாகவும் இறந்துவிட்டார். அவருக்கு இறுதிசடங்கு நிகழ்ச்சி நடைபெற்றது.

இந்த இறுதி சடங்கு நிகழ்ச்சியில் பல நாட்டு தலைவர்கள் உள்ளிட்ட ஏராளமானோர் கலந்து கொண்டனர். அப்போது முன்னாள் அதிபர் பராக் ஒபாமாவும், அவரது மனைவி மிஷலும் வந்திருந்தனர்.

முன்னாள் அதிபர்கள்

முன்னாள், இந்நாள் அதிபர்கள் எல்லோரும் தங்களது மனைவிகளுடன் முன் வரிசையில் அமர்ந்திருந்தனர். இந்த நிலையில் சீனியர் புஷ்ஷின் மகனும் முன்னாள் அதிபருமான ஜார்ஜ் டபிள்யூ புஷ் வந்த தலைவர்களை வரவேற்று கை குலுக்கினார்.

A sweet moment on a sad day. 🖤 George W. Bush slipped Michelle Obama a piece of candy during #GeorgeHWBushFuneral, and the Obamas’ reactions were everything. pic.twitter.com/rpCj3A3si1
— Entertainment Tonight (@etnow) December 5, 2018

வீடியோ வைரல்

டிரம்ப் அவரது மனைவி, பராக் ஒபாமா ஆகியோருக்கு வரிசையாக கை குலுக்கிக் கொண்டு வந்த அவர் மிஷலிடம் வந்தபோது கையில் ஒரு மிட்டாயை வைத்தார். அதை வாங்கிக் கொண்ட மிஷல் புன்னகைத்தார். இதனை யாருமே அங்கு எதிர்பார்க்கவில்லை. இந்த வீடியோதான் தற்போது வைரலாகிறது.

சேட்டைதான்

இதுகுறித்து பின்னர் மிஷல் கருத்து தெரிவித்தார். அவர் கூறுகையில், "நாங்கள் நீண்ட காலமாகவே நண்பர்கள். புஷ் எப்பவுமே இப்படித்தான், நிறைய நிகழ்ச்சிகளில் எனக்கு அருகே எப்பவுமே உட்காருவது ஜார்ஜ் புஷ்தான். அதனால் நாங்க ரெண்டு பேரும் எதைச் செய்தாலும் அதில் ஒரு சேட்டை இருக்கும்" என்றார்.

Meanwhile Laura Bush gets her husband George Bush to give a piece of candy to Michelle Obama during the memorial service for John McCain. pic.twitter.com/0ejRiyKFer
— Ernest Owens (@MrErnestOwens) September 1, 2018