அமெரிக்க அதிபர் தேர்தல்.. ஜோ பிடனுக்கு இந்திய வம்சாவளி மருத்துவர்கள் ஆதரவு
வாஷிங்டன்: நவம்பர் மாதம் நடைபெற்ற அமெரிக்க அதிபர் தேர்தலில் அமெரிக்க வாழ் இந்திய மருத்துவர்கள் சங்கம் ஜனநாயகக் கட்சியின் வேட்பாளர் ஜோ பிடனுக்கு ஆதரவு தெரிவித்துள்ளது. இந்திய அமெரிக்கர்கள் மத்தியில் ஜோ பிடன் மிகவும் பிரபலம் ஆனவர் ஆவார்
AAPI விக்டரி ஃபண்டின் இணை நிறுவனர் இந்திய-அமெரிக்கர் சேகர் நரசிம்மன், செய்தித்தாள் ஒன்றுக்கு அளித்த பேட்டியில், அமெரிக்க அதிபர் தேர்தலில் போட்டியிடும் பல வேட்பாளர்களை சந்தித்தோம்.
நாங்கள் அவர்களிடம் இந்திய சமூகத்திற்கான முன்னுரிமைகளை கேட்டோம். அத்துடன் அதிபர் டிரம்பை தோற்கடிக்கும் வல்லமை உள்ளவரை தேர்ந்தெடுக்க தீர்மானித்தோம் அத்துடுன் எங்கள் சமூகத்தின் குரலை கேட்பவராகவும் இருக்க வேண்டும் என்றும நினைத்தோம்.
"ஜோ பிடெனால் இந்த நாட்டை வழிநடத்தினால் மட்டுமே நல்லறிவையும் உலகில் நமது ஸ்திரத்தன்மையையும் திரும்பப் பெறமுடியும்.
2020ம் ஆண்டில் வெற்றிகளுக்கான எங்கள் பணியைத் தொடரவும், ஜனாதிபதி பதவியை வென்றெடுக்க ஜோ பிடனுக்காகவும், ஜனநாயகக் கட்சியினர் தங்கள் மன்றத்தின் பெரும்பான்மையை அதிகரிக்கவும், செனட்டை திரும்பப் பெறவும் 10 லட்சம் புதிய வாக்காளர்களை வழங்க நாங்கள் கடமைப்பட்டுள்ளோம். " இவ்வாறு நரசிம்மன் கூறினார்.