அரண்டவன் கண்ணுக்கு இருண்டதெல்லாம் பேய்.. அமெரிக்காவிலும் அதேதான்.. இந்தக் கூத்தைப் பாருங்க!
வாஷிங்டன்: அமெரிக்காவில் டிரான்ஸ்பார்மர் வெடித்து சிதறியதால் நிகழ்ந்த வெளிச்சத்தை பார்த்தவர்கள் வானத்தில் தீப்பிடித்து விட்டதாக கருதினர்.
நியூயார்க் நகரத்தில் கடந்த வியாழக்கிழமை இரவு 9.20 மணிக்கு வானம் பச்சை நிறத்தில் காட்சி அளித்தது. அப்போது மின் இணைப்பு துண்டிக்கப்பட்டிருந்தது. இதை பார்ப்பதற்காக நூற்றுக்கணக்கான மக்கள் தெருக்களில் கூடிவிட்டனர்.
இதை வீடியோவாக எடுத்து அப்பகுதி மக்கள் சமூக வலைதளங்களில் பரப்பினர். இதை நேரில் பார்த்தவர்கள் ஏலியன்கள் பூமிக்கு வந்து விட்டதாக ஒரு புரளியை கிளப்பிவிட்டனர்.
The lights went off in my apartment and then this is the sky in NYC right now... what is happening... #bluesky #nyc #newyork pic.twitter.com/J8AmfQK6LO
— Valerie Scott (@Valerie_scottt) December 28, 2018
இதன் பின்னர் விசாரணையில் நியூயார்க் சிட்டியில் ஒரு அணு மின் நிலையத்தில் இரு டிரான்ஸ்பார்மர்கள் திடீரென வெடித்து சிதறியதால் வானம் பச்சை நிறத்தில் காட்சியளித்தது என தெரியவந்ததை அடுத்து மக்கள் நிம்மதி பெருமூச்சுவிட்டனர்.
Crazy pulsating blue light with plumes of smoke either from north-western Queens or just across the river pic.twitter.com/cUxiDtEF9l
— Dan Saltzstein (@dansaltzstein) December 28, 2018