மணமாலையும் மஞ்சளும் சூடி.. கடைசி நாளில் டிரம்ப் மகள் நிச்சயதார்த்தம்!

வாஷிங்டன் : டொனால்ட் டிரம்ப் பதவி விலகும் கடைசி நாளில், வெள்ளை மாளிகையில் டிரம்ப்பின் மகள் டிப்பனி டிரம்ப் (27), தனது நிச்சயதார்த்தத்தை நடத்தி உள்ளார்.

அமெரிக்காவின் புதிய அதிபராக ஜோ பைடன் இன்று பதவியேற்க உள்ளார்.

இதனால் தற்போது அதிபராக உள்ள டிரம்ப், வெள்ளை மாளிகையில் தனது கடைசி பணி நாளில், அமெரிக்காவின் எதிர்காலத்திற்காக பிரார்த்தனை நடத்தியதுடன், ஜோ பைடன் பெயரை குறிப்பிடாமல் பிரிவு உபசார உரையை நிகழ்த்தினார்.

2வது மனைவியின் மகள்

இதற்கிடையில் டிரம்பின் 2வது மனைவியின் ஒரே மகளான டிப்பனி டிரம்ப், தந்தையின் கடைசி பணி நாளில் வெள்ளை மாளிகையில் தனது நிச்சயதார்த்தத்தை நடத்தி உள்ளார். ஜார்ஜ்டவுன் பல்கலைகழகத்தில் சட்டப்பிரிவில் பட்டப்படிப்பு முடித்துள்ள டிப்பனி, நைஜீரியா நாட்டு தொழிலதிபரான பவுலஸ் மைக்கேல் (23) என்பவரை காதலித்து வருகிறார்.

நிச்சயதார்த்தம்

வெள்ளை மாளிகையில் தந்தையின் கடைசி பணி நாளான நேற்று தனது நிச்சயதார்த்தத்தை நடத்தி உள்ளார். தனது வருங்கால கணவருடன் வெள்ளை மாளிகையில் தான் எடுத்தக் கொண்ட போட்டோவை தனது இன்ஸ்டாகிராம் பக்கத்தில் வெளியிட்டுள்ளார். அவர் இதுதொடர்பாக வெளியிட்டுள்ள பதிவில் கூறியிருப்பதாவது:
"எனது குடும்பத்தில் பல மறக்க முடியாத நினைவுகள், வரலாற்று நிகழ்வுகள், பல மைல்கற்களை கொண்டாடிய வெள்ளை மாளிகையில் எனது நிச்சயதார்த்தம் நடப்பதை கவுரவமாக நினைக்கிறேன். எனது வருங்கால கணவர் மைக்கேலுடன் வாழ்க்கையின் அடுத்த அத்தியாயத்தை துவங்குவதை அற்புதமானதாக உணர்கிறேன் என குறிப்பிட்டுள்ளார்.

லவ் யூ ஹனி

இதே போட்டோவை பவுல்சும் தனது இன்ஸ்டாகிராம் பக்கத்தில் பதிவிட்டு, எனது வாழ்வின் காதலுடன் நிச்சயதார்த்தம் நடந்துள்ளது. நாங்கள் அடுத்த அத்தியாயத்தில் அடியெடுத்து வைத்துள்ளோம் என குறிப்பிட்டுள்ளார். அத்துடன் டிப்பனியின் பதிவில், "லவ் யூ ஹனி" என கருத்து பதிவிட்டுள்ளார். டிரம்ப்பின் இரண்டாவது மனைவியான மர்லா மேப்லிஸின் ஒரே மகளான டிப்பனி, 2018 ம் ஆண்டு முதல் முறையாக தனது காதலருடன் தான் எடுத்துக் கொண்ட போட்டோவை வெளியிட்டார்.

சின்ன மகள்

டிரம்ப் இதுவரை தனது முதல் மனைவியான இவானா மற்றும் அவரது குழந்தைகளின் படங்களை மட்டும் பகிர்ந்து வந்துள்ளார். ஆனால் பவுலஸ் கடந்த 2 ஆண்டுகளாக டிரம்ப் பங்கேற்கும் போட்டோக்களை பதிவிட்டு வந்தார். தனது தந்தை மீண்டும் அதிபர் தேர்தலில் போட்டியிட்ட போது பிரசாரத்தில் பங்கேற்றதன் மூலம் அரசியல் ரீதியான பார்வை டிப்பனி மீது பதிந்தது. தேர்தல் சமயத்தில் மிச்சிகன், புளோரிடா உள்ளிட்ட மாகாணங்களில் தலைப்பு செய்திகளிலும் இடம்பெற்றவர் டிப்பனி.

English summary

Tiffany Trump, the youngest daughter of President Donald Trump, announced Tuesday - her father's last full day in the White House - that she is engaged to boyfriend Michael Boulos.