• search
வாஷிங்டன் அப்டேட்டுகளுக்கு
நோட்டிபிகேஷனை அனுமதி  

அமெரிக்க அதிபர் தேர்தலில் வெற்றி பெறப்போகிறோம்... அமைதியாக இருங்கள் - ஜோ பிடன்

|

வாஷிங்டன்: வெற்றி உறுதியாகி விட்டது அனைத்து வாக்குகளும் எண்ணி முடிக்கப்படும் வரை அமைதியாக இருங்கள் என்று ஜோ பிடன் தனது ஆதரவாளர்களை கேட்டுக்கொண்டுள்ளார். அமெரிக்க அதிபர் தேர்தலில் வாக்கு எண்ணிக்கை நிலவரம் நமது வெற்றியை உறுதிபடுத்தி வருவதாகவும் கூறியுள்ளார் ஜோ பிடன். 264 சபை வாக்குகளை பெற்றுள்ள ஜோ பிடன் வெற்றிக்கு இன்னும் 6 வாக்குகள் மட்டுமே தேவை என்பது குறிப்பிடத்தக்கது.

அமெரிக்க அதிபர் தேர்தலில் கடைசிகட்ட வாக்கு எண்ணிக்கை நடந்து வருகிறது. இன்னும் சில லட்சம் வாக்குகளே எண்ணப்பட வேண்டிய நிலையில், கடுமையான போட்டி நிலவுவதால் முடிவுகளை அறிவிப்பதில் தாமதம் ஏற்பட்டுள்ளது. அதேபோல் நிறைய தபால் வாக்குகள் இருப்பதால் முடிவுகளை அறிவிப்பதில் கால தாமதம் ஏற்பட்டுள்ளது.

We are going to win this race: US Democratic presidential nominee Joe Biden

அமெரிக்க அதிபர் தேர்தல் கிட்டத்தட்ட கிளைமேக்ஸை நெருங்கிவிட்டதாக கருதலாம். இதுவரை வெளியாகி உள்ள முடிவுகளின்படி 264 வாக்குகளுடன் பிடன் தொடர்ந்து முன்னிலை வகிக்கிறார். குடியரசு கட்சி வேட்பாளரும் தற்போதைய அமெரிக்க அதிபருமான டிரம்ப் 214 வாக்குகள் மட்டுமே பெற்றுள்ளார். மொத்தமாக 538 எலக்ட்ரல் வாக்குகளில் 270 யாருக்கு கிடைக்கிறதோ அவர்தான் வெற்றிபெறுவார். பிடன் வெற்றிபெற இன்னும் 6 வாக்குகளே தேவை.

எப்போது வேண்டுமானாலும் தேர்தல் முடிவுகள் வரலாம் என்று எதிர்பார்க்கப்படுகிறது. தற்போது நிலவரப்படி குடியரசு கட்சி வேட்பாளர் டிரம்பை வீழ்த்தி ஜனநாயக கட்சி வேட்பாளர் பிடன் வெற்றிபெறுவதற்கே வாய்ப்பு உள்ளது.

அதிபர் தேர்தலில் தோல்வி அடைந்தாலும் அதை எதிர்கொள்ளும் எண்ணம் கொஞ்சம் கூட டிரம்பிற்கு இல்லை. வாக்கு எண்ணிக்கையில் மோசடி நடைபெற்று வருவதாகவே குற்றம் சாட்டி வருகிறார் டிரம்ப்.

துப்பாக்கி உள்ளிட்ட ஆயுதங்களோடு.. வாக்கு எண்ணும் மையம் முன் திரண்ட டிரம்ப் ஆதரவாளர்கள்.. ஷாக்கிங்!

இந்த நிலையில் வெற்றிக்கனியை சுவைக்கத் தயாராகி விட்ட ஜோ பிடன் நிதானமாக பேசத் தொடங்கியுள்ளார். செய்தியாளர்களுக்கு பேட்டியளித்த ஜோ பிடன், வெற்றி பெறப்போகிறோம் என்று கூறியுள்ள பிடன், வாக்கு எண்ணிக்கை முழுவதுமாக நடந்து முடியும் வரை அமைதியாக இருக்க வேண்டும் என்று ஆதரவாளர்களை கேட்டுக்கொண்டுள்ளார். தவறுகளை நடக்க விடமாட்டோம். ஜனநாயகத்தின் மீது நாங்கள் வலுவான நம்பிக்கை வைத்திருக்கிறோம்.

நாங்கள் வெற்றி பெறப்போகிறோம் என்பதை வாக்கு எண்ணிக்கையின் எண்கள் உணர்த்த தொடங்கி விட்டன. அரசியலின் நோக்கம் தேசத்திற்காக உழைப்பதாகும். நாங்கள் எதிர்கட்சியாக இருக்கலாம், ஆனால் நாங்கள் எதிரிகள் அல்ல, நாங்கள் அமெரிக்கர்கள் என்று கூறியுள்ளார் ஜோ பிடன்.

 
 
 
English summary
The numbers tell us a clear and convincing story. We are going to win this race: US Democratic presidential nominee Joe Biden. US polls have been tough but we've to remain calm said Joe Biden.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X