Click it and Unblock the Notifications
Don't Miss
-
வெறும் ரூ.10,000 விலை.. சூப்பர் பாஸ்ட் 5G மொபைல்.. அசராமல் அடிக்கும் Realme.. எப்போது விற்பனை? -
வெளி ஊர்ல இருக்கீங்களா? நீங்களும் ஓட்டு போடலாம்.. எப்படின்னு பாருங்க! -
ஒன்றல்ல, ரெண்டல்ல மொத்தம் 13 ஸ்கூட்டர்களை மாற்று திறனாளி இளைஞர்களை பரிசளித்த நடிகர் ராகவா லாரன்ஸ்.. -
இந்தியா vs பாகிஸ்தான் இடையே டெஸ்ட் போட்டி.. 17 ஆண்டுக்கு பிறகு நடைபெறுமா? ரோகித் நகர்த்திய காய் -
கல்லீரலின் மூலைமுடுக்குகளில் உள்ள அழுக்குகளை வெளியேற்ற சாப்பிட வேண்டிய உணவுகள்! -
நீங்கள் அடிக்கடி ரயிலில் பயணிப்பவரா – அப்போ இந்திய ரயில்வேயின் இந்த விதிமுறைகள் பற்றி உங்களுக்கு தெரியுமா? -
அரண்மனை 4 எடுக்க சிறுமிகள்தான் காரணம்.. சுந்தர்.சி சொன்ன ஆச்சரிய தகவல் -
பிளஸ்-2 படித்திருந்தால் போதும்...மத்தியஅரசு வேலை தயார்..!!
சர்வதேச உறவு இருக்கட்டும்.. அமெரிக்க உள்நாட்டு பிரச்சனையை முதலில் தீர்ப்போம்.. கமலா ஹாரிஸ் பளீர்!
வாஷிங்டன்: அமெரிக்க மக்கள் விரும்புவதை செய்வதே தங்களுடைய முதன்மையான நோக்கம், அமெரிக்க உள்நாட்டு பிரச்சனையை முதலில் தீர்ப்போம் என்று துணை அதிபராக தேர்ந்தெடுக்கப்பட்ட இந்திய வம்சாவளி கமலா ஹாரிஸ் திட்டவட்டமாக தெரிவித்தார்.
உள்நாட்டு சவால்களை சமாளிப்பது உலக அரங்கில் அமெரிக்காவை வலுப்படுத்துவதற்கு அடித்தளமாக விளங்கும் என அவர் கூறினார்.
நாட்டின் தேசிய பாதுகாப்பு, வெளியுறவு கொள்கைகளை மீண்டும் கட்டமைப்பது அவசியம் என்றும் கமலா ஹாரிஸ் கூறினார்.
அமோக வெற்றி
சமீபத்தில் நடந்து முடிந்த அமெரிக்க அதிபர் தேர்தலில் ஜோ பிடன் - கமலா ஹாரிஸ் கூட்டணி அமோக வெற்றி பெற்றது. ஜோ பிடன் புதிய அதிபராகவும், கமலா ஹாரிஸ் துணை அதிபராகவும் தேர்ந்தெடுக்கப்பட்டனர். ஜோ பிடன் ஜனவரி 20-ந்தேதி அதிபராக பதவியேற்கிறார்.
தமிழர்களுக்கு பெருமை
இந்த புதிய அரசு ஆட்சி அதிகார மாற்றத்துக்கான பணிகளை தீவிரமாக மேற்கொண்டு வருகிறது. இந்திய வம்சாவளி பெண்ணான தமிழகத்தை பூர்விகமாக கொண்ட கமலா ஹாரிஸ் துணை அதிபராக தேர்ந்தெடுக்கபட்டது இந்தியா, அமெரிக்கா மட்டுமல்ல, உலக அரங்கில் பெருமையை ஏற்படுத்தி உள்ளது.
கடும் சவால்கள் உள்ளன
இந்த நிலையில் கமலா ஹாரிஸ் ஜோ பிடன் தனது தேசிய பாதுகாப்புக் குழுவை அறிவித்த டெலாவேரின் வில்மிங்டனில் உள்ள தலைமை அலுவலகத்தில் செய்தியாளர்களுக்கு பேட்டியளித்தார்.
அப்போது அவர் கூறுகையில், வெள்ளை மாளிகையில் நுழையும்போது, தற்போது முன்னிலையில் உள்ள கடும் சவால்கள் எங்களுக்காக காத்திருக்கின்றன என்பதை நாங்கள்(ஜோ பிடன், கமலா ஹாரிஸ்) நன்கு அறிவோம்.
கொரோனாவை கட்டுக்குள் வைக்க வேண்டும்
கொரோனா தொற்றை கட்டுக்குள் கொண்டுவருவது, நாட்டின் பொருளாதாரத்தை மறு சீரமைப்பு செய்வது, உழைக்கும் மக்களுக்கு அவர்களின் வேலை கிடைப்பதை உறுதிசெய்வது என பல்வேறு சவால்கள் உங்கள் முன் உள்ளன. உள்நாட்டு சவால்களை சமாளிப்பது உலக அரங்கில் அமெரிக்காவின் நிலையை நன்கு மீட்டெடுப்பதற்கும், உலக வரிசையில் அமெரிக்கா முன்னேறுவதற்கும் அவசியமான அடித்தளமாகும் என்பதையும் நன்கு அறிவோம்.
கூட்டாளிகளுடன் நல்லுறவு
இந்த சவால்களை சந்திக்க தயாராக உள்ளோம். உள்நாட்டு பிரச்சனையை சரி செய்ய வேண்டும். அமெரிக்காவின் கூட்டணி நாடுகளை மீண்டும் ஒன்றிணைத்து புதுப்பிக்க வேண்டும்; நாட்டின் நலன்களை முன்னேற்றும் தேசிய பாதுகாப்பு மற்றும் வெளியுறவுக் கொள்கை நிறுவனங்களை மீண்டும் பலப்படுத்த வேண்டும்.
எங்களின் நோக்கம்
அனைவருக்கும் ஆபத்தை விளைவிக்கும் காலநிலை மாற்ற சூழலை எதிர்த்து போராட வேண்டும். மக்கள் எதை விரும்புகிறார்களோ அதை செய்வதே எங்களின் ஒரே நோக்கம். இதைதான் ஜோ பைடனும் விரும்புகிறார் என கமலா ஹாரிஸ் உறுதியுடன் கூறினார்.
