ஒற்றை இலக்கத்தில் பாதிப்பு.. அமெரிக்காவில் ஆச்சர்யப்பட வைத்த 2 மாநிலங்கள்.. எப்படி சாத்தியம்

Updated: Sunday, April 12, 2020, 11:27 [IST]

வாஷிங்டன்: கொரோனா வைரஸ் தொற்றால் அமெரிக்கா முழுவதும் கடுமையாக பாதிக்கப்பட்டுள்ள நிலையில் அந்த நாட்டிற்கு சொந்தமான இரண்டு தீவுகளில் மட்டும் கொரோனா பாதிப்பு ஒற்றை இலகத்தில் தான் உள்ளது. அதையும் அந்த மாநில அரசுகள் முழுமையாக கட்டுப்படுத்தி உள்ளது.

11 பேருக்கு பாதிப்பு

இதேபோல் அமெரிக்காவின் மற்றொரு தீவான வடக்கு மரியனா தீவுகளில் இதுவரை மொத்தமே 11 பேர் தான் கொரோனாவால் பாதிக்கப்பட்டனர். அதில் 2 பேர் உயிரிழந்தனர். 7 பேர் சிகிச்சை பெற்று வருகிறார்கள். கொரோனா பாதிப்பில் இருந்து தப்பிப்பதற்காக யுஎஸ் வெர்ஜின் தீவில் முன்னெச்சரிக்கையாக கடந்த மார்ச் 24ம் தேதியே லாக்டவுன் அறிவிக்கப்பட்டது.

சமூக விலகல்

அந்த மாநிலத்தின் எல்லைகள் முழுமையாக அடைக்கப்பட்டது. மக்கள் சமூக விலகலை கடைபிடித்தனர். உணவங்கள், பார்கள். வர்த்த நிறுவனங்கள் என அனைத்துமே வரும் ஏப்ரல் 25வரை ஒருமாதத்திற்கு மூடப்பட்டிருக்கும் என்று அறிவிக்கப்பட்டுள்ளது. லாக்வுடன் அறிவிப்பு மற்றும் சமூக விலகல் ஆகியவை யுஎஸ் வெர்ஜின் தீவை கொரோனா பாதிப்பில் இருந்து தப்பிக்க வைத்துள்ளது. இதேபோல் அமெரிக்காவின் மரியானா தீவும் அமெரிக்காவில் இருந்தாலும் தன்னாட்சி பிரதேசம் ஆகும். அங்கு சீனர்கள் வர ஜனவரி 20லேயே தடை விதிக்கப்பட்டது. மற்றும் பிறநாட்டினர் வர தடை விதிக்கப்பட்டது உள்ளிட்டவை அந்த மாநிலத்தை கொரோனாவில் இருந்து தப்பிக்க வைத்துள்ளது.

30 டிகிரி செல்சியஸ்

அமெரிக்காவின் யுஎஸ் வெர்ஜின் தீவு மற்றும் அமெரிக்காவின் வடக்கு மரியானா தீவுகள் ஆகிய இரண்டிலும் வெப்ப நிலை என்பது அமெரிக்காவின் மற்ற பகுதிகளை ஒப்பிடும் போது வித்தியாசமானது. அமெரிக்காவின் நியூயார்க் உள்ளிட்ட பகுதிகளில் 3 டிகிரி செல்சிஸ் ஆக உள்ள நிலையில் இங்கு 30 டிகிரி செல்சியஸ் என்ற அளவில் உள்ளது.

சமூக விலகல்

கொரோனாவால் அமெரிக்கா மொத்தமும் கடுமையாக பாதிக்கப்பட்டுள்ள நிலையில் அங்குள்ள இந்த இரண்டு தீவுகள் மட்டும் கொரோனாவால் பெரிதாக பாதிக்கப்படாமல் இருப்பதற்கு அமெரிக்காவின் யுஎஸ் வெர்ஜின் தீவு மற்றும் அமெரிக்காவின் வடக்கு மரியானா தீவுகள் ஆகிய இரண்டும் தீவுகள் என்பதால் எளிதாக தனிமைப்படுத்தப்பட்டன. அத்துடன் ஊரடங்கு மற்றும் சமூக விலகல் முக்கிய காரணமாக இருந்திருக்கலாம் என்று தகவல்கள் வெளியாகி உள்ளன.