பாஸ் காசு இல்ல கொஞ்சம் சரக்கு வாங்கி கொடுங்க....! ஓசியில் சரக்கு கேட்டு மதுபான கடையை சூறையாடிய குடிமகன்கள்....! மதுரையில் ஒரே பரபரப்பு!
1/9
மதுரை மாவட்டம் அ.கல்லுப்பட்டியை சேர்ந்த அருண்பிரகாஷ் என்பவர் நேற்று மாலை எல்லீஸ் நகர் 70 அடி ரோட்டில் உள்ள மதுபான கூடத்துக்கு மது அருந்த சென்றுள்ளார்.
2/9
மதுபான கடையில் 5 பேர் கொண்ட கும்பல் அருண் பிரகாஷிடம் தங்களுக்கு இலவசமாக மதுபானம் வாங்கித் தரும்படி கேட்டுள்ளனர். அதற்கு அருண் பிரகாஷ் மறுத்து விட்டார்.
3/9
இதையடுத்து இரண்டு தரப்புக்கும் இடையில் வாக்குவாதம் ஏற்பட்ட நிலையில் இது ஒரு கட்டத்தில் கைகலப்பாக மாறியது.
4/9
இந்நிலையில் ஆத்திரமடைந்த 5 பேரும் பீர் பாட்டிலால் அருண்பிரகாஷை சரமாரியாக தாக்கியுள்ளனர். இதனைத் தொடர்ந்து மதுபான கூடத்தையும் அடித்து நொறுக்கினர்.
5/9
இச்சம்பவம் தொடர்பாக அருண் பிரகாஷ் எஸ்.எஸ். காலனி காவல்நிலையத்தில் புகார் கொடுத்துள்ளார்.
6/9
புகாரினை ஏற்றுக்கொண்ட போலீசார் வழக்குப்பதிவு செய்து விசாரணை மேற்கொண்டதில் 5 பேர் மீது ஏற்கனவே குற்ற வழக்குகள் உள்ளதாகவும் அவர்களுடன் ஒன்று சேர்ந்து எல்லிஸ் நகர் டாஸ்மாக் மதுபான கூடத்தை சூறையாடியது தெரிய வந்துள்ளது.
7/9
இதையடுத்து எஸ்.எஸ்.காலனி போலீசார் சந்தேகத்தின் பேரில் 5 பேரை பிடித்து வந்து போலீஸ் நிலையத்தில் விசாரணை நடத்தினர்.
8/9
இந்நிலையில் அந்த விசாரணையில் ஜெய்ஹிந்த்புரம் ஜீவா நகரைச் சேர்ந்த கணேசன், கார்த்திக், அசாருதீன், விக்னேஷ் சுனில் பிரபாகர், சீனிவாசன் என்பது தெரியவந்தது.
9/9
இதனைத் தொடர்ந்து எஸ்.எஸ். காலனி போலீசார் 5 பேரிடமும் தீவிர விசாரணை நடத்தி வருகின்றனர்.
Use current location
Sign in with Google
Click it and Unblock the Notifications