1/10
தமிழ்நாட்டின் மிக மூத்த பஞ்சாயத்து தலைவியாக நெல்லையை சேர்ந்த 90 வயது மூதாட்டி இன்று பொறுப்பேற்றார்.
தமிழ்நாட்டின் மிக மூத்த பஞ்சாயத்து தலைவி...90 வயது மூதாட்டி இன்று பொறுப்பேற்பு...!
2/10
தமிழ்நாட்டில் விடுபட்ட ஒன்பது மாவட்டங்களுக்கு நடைபெற்று முடிந்த ஊரக உள்ளாட்சி தேர்தலில் வெற்றி பெற்ற பஞ்சாயத்து தலைவர்கள் ஊராட்சி ஒன்றிய கவுன்சிலர்கள், ஒன்றிய தலைவர்கள் ஆகியோர் இன்று பொறுப்பேற்றுக் கொண்டனர்.
3/10
இந்நிலையில் சில நாட்களுக்கு முன் நடைபெற்று முடிந்த ஊரக உள்ளாட்சி தேர்தலில் பாளையங்கோட்டை ஊராட்சி ஒன்றியத்துக்குட்பட்ட சிவந்திப்பட்டி ஊராட்சி மன்ற தலைவர் பதவிக்காக 90 வயது மூதாட்டி பெருமாத்தாள் போட்டியிட்டார்.
4/10
90 வயது மூதாட்டி பெருமாத்தாள் தன்னை எதிர்த்து போட்டியிட்ட அனைத்து வேட்பாளர்களையும் டெபாசிட் இழக்கச் செய்து மொத்தம் 2060 வாக்குகள் பதிவான நிலையில் 1568 வாக்குகள் பெற்று பெருமாத்தாள் வெற்றி பெற்றார்.
5/10
90 வயதில் தான் பெற்ற வெற்றி குறித்து மூதாட்டி பெருமாத்தாள் கூறுகையில், வாக்களித்த மக்களுக்கு நன்றி நாங்கள் எப்போதுமே ஊர் மக்களுக்கு நல்லது செய்கிறோம் அதனால்தான் இந்த வெற்றி சாத்தியமானது என கூறினார்.
6/10
மேலும் எனக்கு தற்போது 90 வயதாகிறது ஏழு பரம்பரையாக எங்கள் குடும்பத்தில் வெற்றி பெற்றுள்ளனர்.நான் தற்போது முதல் முறையாக வெற்றி பெற்றுள்ளேன் ஊர் மக்களுக்கு தேவையான அனைத்து அடிப்படை வசதிகளையும் செய்து கொடுப்பேன் என்று நெகிழ்ச்சியுடன் தெரிவித்தார்.
7/10
மேலும் இதுகுறித்து சிவந்திபட்டி ஊராட்சி மன்ற வார்டு உறுப்பினர் லிங்கம்மாள் கூறுகையில், பெருமாத்தாள் பாட்டி எங்களுக்கு முன்மாதிரியாக செயல்படுவார் அவருடன் இணைந்து வீடு வீடாக சென்று மக்களுக்கு தேவையான விஷயங்களை செய்து கொடுப்போம் என்றார்.
8/10
சிவந்திப்பட்டி பகுதியைச் சேர்ந்த பாலகிருஷ்ணன் கூறுகையில், சிவந்திபட்டி பஞ்சாயத்து தலைவராக 90 வயது மூதாட்டி பெருமாத்தாளை தேர்வு செய்துள்ளோம் அவர்கள் குடும்பத்தில் இவர் 7வது நபராக வெற்றி பெற்றுள்ளார் என்றார்.
9/10
மேலும் 90 வயதிலும் இளமையாக சுறுசுறுப்பாக வீடாக சென்று ஓட்டு கேட்டார் அதே இளமையோடு ஊர் மக்களுக்கு நல்லது செய்வார் என்று கூறினார்.
Enable