ஆண்டவர் எதுக்கு வந்துருப்பாரு?...இசைஞானி இளையராஜா ஸ்டுடியோவுக்குள் கமல்!....இணையத்தில் செம ட்ரெண்டிங்!

1/9

நடிகர் கமல் ஹாசன் இசைஞானி இளையராஜாவை சந்தித்த போட்டோக்கள் இணையத்தில் செம வைரலாகி வருகிறது.

2/9

இதுவரை 7000க்கும் மேற்பட்ட பாடல்களுக்கு இசையமைத்துள்ள இளையராஜா, பத்ம விருதுகள் உட்பட ஏராளமான விருதுகளை வாங்கி குவித்துள்ளார்.

3/9

35 ஆண்டுகளுக்கும் மேலாக பிரசாத் ஸ்டுடியோவில் ரெக்கார்டிங் செய்து வந்தார் இளையராஜா திடீரென நிர்வாகத்துடன் ஏற்பட்ட மோதல் காரணமாக கடந்த சில மாதங்களுக்கு முன்பு அங்கிருந்து வெளியேற்றப்பட்டார்.

4/9

இளையராஜா இதனை எதிர்த்து கோர்ட்டில் வழக்கு தொடர்ந்தார். பின்னர் சமரச தீர்வு ஏற்பட்டு ஸ்டுடியோவுக்குள் இருந்த இளையராஜாவுக்கு சொந்தமான உடைமைகள் அவரிடம் ஒப்படைக்கப்பட்டன.

5/9

இதனை தொடர்ந்து தியாகராயநகரில் உள்ள எம்எம் தியேட்டரை தனது ரெக்கார்டிங்க ஸ்டுடியோவாக மாற்றினார் இளையராஜா. சொந்தமாக தொடங்கியுள்ள ஸ்டுடியோவில் பல்வேறு படங்களுக்கான இசைப் பணிகளை மேற்கொண்டு வருகிறார் இளையராஜா.

6/9

இந்நிலையில் இசைஞானி இளையராஜாவை நடிகர் கமல்ஹாசன் நேரில் சந்தித்துள்ளார். இளையராஜாவின் புதிய ஸ்டுடியோவிற்கு முதல் முறையாக சென்ற நடிகர் கமல்ஹாசன் அவரை சந்தித்து பேசினார்.

7/9

மேலும் இளையராஜாவுக்கு பூங்கொத்து கொடுத்த நடிகர் கமல்ஹாசன், அவருடன் அமர்ந்து நீண்ட நேரம் பேசினார். மேலும் இருவரும் ஸ்டுடியோவுக்குள் அமர்ந்து பேசும் போட்டோக்களும் வீடியோக்களும் இணையத்தில் வைரலாகி வருகிறது.

8/9

நடிகர் கமல் ஹாசன் தற்போது லோகேஷ் கனகராஜ் இயக்கத்தில் விக்ரம் படத்தில் நடித்து வருகிறார். அடுத்த இரண்டு வாரங்களில் நடிகர் கமல்ஹாசன் பிக்பாஸ் சீசன் 5 நிகழ்ச்சியை தொகுத்து வழங்க உள்ளார். இந்நிலையில் இசையமைப்பாளர் இளையராஜாவை நேரில் சந்தித்துள்ளார் கமல்.

9/9

கடந்த சில மாதங்களுக்கு முன்பு நடிகர் ரஜினிகாந்த் இளையராஜாவின் ஸ்டுடியோவுக்கு நேரில் சென்றார். ஒரே நாளில் இரண்டு முறை அடுத்தடுத்து சென்றார். இளையராஜாவின் ஸ்டுடியோவுக்குள் சென்றது கோவிலுக்குள் சென்ற உணர்வை தந்ததாக நடிகர் கமல் கூறியது குறிப்பிடத்தக்கது.