தலைவரே அந்த கோரிக்கை?...முதலமைச்சர் ரங்கசாமியுடன் விஜய் சேதுபதி!....இணையத்தில் செம வைரல்!

புதுச்சேரி முதலமைச்சர் ரங்கசாமியை மரியாதை நிமித்தமாக சந்தித்துப் பேசிய நடிகர் விஜய் சேதுபதி புதுச்சேரியில் உயர்த்தப்பட்ட படப்பிடிப்பு கட்டணத்தை குறைக்கக்கோரி கோரிக்கை வைத்துள்ளார்.

புதுச்சேரி மற்றும் அதன் சுற்றுவட்டார பகுதிகளில் நடிகர் விஜய் சேதுபதி படப்பிடிப்புகளில் பங்கேற்று நடித்து வருகிறார்.

இந்நிலையில் நேற்று புதுச்சேரியில் நடந்த படப்பிடிப்பில் கலந்து கொண்ட விஜய் சேதுபதி படப்பிடிப்பை முடித்து  இரவு முதலமைச்சர் ரங்கசாமியை அவரது வீட்டிற்குச் சென்று மரியாதை நிமித்தமாக சந்தித்துப் பேசினார்.

டென்னிஸ் விளையாடிக் கொண்டிருந்த முதலமைச்சர் ரங்கசாமி விஜய்சேதுபதியை அருகில் அமரவைத்து பேசினார்.

அப்போது நடிகர் விஜய் சேதுபதி கடந்த காலங்களில் படப் பிடிப்புக்கு ரூ. 5 ஆயிரம் வசூலித்த நிலையில் புதுச்சேரியில் தற்போது ஒருநாள் படப்பிடிப்பிற்கு வரியுடன் ரூ.28 ஆயிரம் கட்டணம் வசூலிக்கப்படுகிறது என்றார்.

அதனை குறைக்க வலியுறுத்தி முதல்வர் ரங்கசாமியிடம், நடிகர் விஜய் சேதுபதி கோரிக்கை வைக்க அதனை பரிசீலனை செய்வதாகவும் முதல்வர் உறுதி அளித்தார்.