உடலிலுள்ள நச்சுக்களை வெளியேற்ற உதவும் மூலிகை சீந்தலின் நன்மைகள்..!!

Published: Wednesday, February 28, 2024, 11:25 [IST]

ஆயுர்வேதத்தில் நச்சு நீக்கும் மற்றும் புத்துணர்ச்சியூட்டும் தாவரமாக கூறப்படுகின்ற மூலிகை சீந்தல் கொடியின் பயன்பாடுகள் குறித்து சிலவற்றை இங்கு பார்க்கலாம்.

1/8

அமிர்தவல்லி, சோமவல்லி எனப்படும் சீந்தல் (Guduchi, Giloy) தாவரம் இந்தியாவை பூர்வீகமாக கொண்டது. இது மிகவும் உயரமான பகுதிகளில் பற்றி படர்ந்து வளரக் கூடியதாகும். இந்த மூலிகையில் புரதம், இரும்பு, ஜிங்க், காப்பர், கால்சியம், பாஸ்பரஸ், மாங்கனீஸ் ஆகியவை அடங்கியுள்ளன.

2/8

ஆயுர்வேதத்தில் சீந்திலின் வேர், தண்டு மற்றும் இலைகள் நோய் எதிர்ப்பு சக்தியை அதிகரிக்க மருந்தாக பயன்படுத்தப்படுகின்றன. இதன் இலைகள் உடலிலுள்ள கழிவுகள் மற்றும் பாக்டீரியாக்களை வெளியேற்றி, உடலில் உள்ள ஃப்ரீ-ரேடிக்கல்களை எதிர்த்துப் போராடுகிறது. அதோடு, இரத்தத்தை சுத்திகரித்து உடலுக்கு புத்துணர்ச்சி அளிக்கிறது.

3/8

இது மன அழுத்தத்தால் பாதிக்கப்பட்டவர்களுக்கு, மன அழுத்தத்தை குறைக்கவும், மனதை அமைதிப்படுத்தவும், நினைவாற்றலை அதிகரிக்கவும் பரிந்துரைக்கப்படுகிறது. இதய நோயாளிகளுக்கு சிகிச்சை அளிப்பதற்கு இந்த அமிர்தவல்லியை பயன்படுத்துகிறார்கள்.

4/8

டெங்கு, பன்றி காய்ச்சல், மலேரியாவிற்கும் மருந்தாக பயன்படுகிறது. இது செரிமானத்தை மேம்படுத்தி குடல் சம்பந்தமான பிரச்சினைகளுக்கு சிகிச்சையளிப்பதில் பங்களிக்கிறது. சிறிது நெல்லிக்காய் அல்லது சர்க்கரையுடன் அரை கிராம் சீந்தில் பொடியை சேர்த்து சாப்பிட்டால் மலச்சிக்கல் குணமாகும்.

5/8

இது கல்லீரல் நோய்களையும், சிறுநீரக நோய்த்தொற்றுகளையும் கட்டுப்படுத்துகிறது. பாலியல் குறைபாடுகளை சரி செய்து விந்தணு உற்பத்தியை அதிகரிக்கிறது. மேலும், கருவுறாமை சிகிச்சையில் பயனளிக்கிறது.

6/8

இதன் இலைகளில் இருந்து சாறு எடுத்து குடிப்பதால் எண்ணற்ற நன்மைகள் கிடைக்கும். ஆனால் இந்த இலைகளின் சாற்றை நேரடியாக உட்கொள்ளாமல், தண்ணீரில் கலந்தே குடிக்க வேண்டும். அதுவும் 6 வாரங்களுக்கு மேல் குடிக்கக்கூடாது.

7/8

சீந்தில் சாறு, இரத்த சர்க்கரை குறைப்பானாக செயல்பட்டு நீரிழிவு நோயை (டைப் 2 நீரிழிவு) குணப்படுத்த உதவுகிறது. சீந்தில் தண்டின் பொடியை பால்சேர்த்து கொதிக்க வைத்து எடுத்துக்கொண்டால் மூட்டு வலி நீங்கிவிடும். மேலும் இஞ்சியோடு சேர்த்து சாப்பிட முடக்கு வாத பிரச்சனைக்கும் தீர்வு கிடைக்கும்.

8/8

சீந்தில் வேரை மென்று சாப்பிடுவது அல்லது அதன் சாறு குடிப்பது, இருமல், ஆஸ்துமா, மார்பு இறுக்கம் மற்றும் மூச்சுத் திணறல் ஆகியவற்றை குணப்படுத்துவதாக ஆயுவேதத்தில் கூறப்படுகிறது. சீந்திலை மருந்தாக எடுத்துக் கொள்வதற்கு முன் ஆயுர்வேத மருத்துவ நிபுணரிடம் ஆலோசனை பெறுவது நல்லது.