PHOTOS : பஸ்சை நிறுத்தாமல் சென்ற பேருந்து ஓட்டுநர்.... ஒரு கிலோமீட்டர் பஸ்சை பின்னோக்கி இயக்கிய சம்பவம்... பரபர படங்கள்!

நெல்லை மாவட்டம் நாங்குநேரி ஊருக்குள் அனைத்துப் பேருந்துகளும் வந்து செல்ல வேண்டும் என்ற ஆணை இருக்கிறது. 

ஆனாலும் பல்வேறு அரசு பேருந்து ஓட்டுனர் மற்றும் நடத்துனர்கள் ஊருக்குள் செல்லாமல் புறவழிச்சாலை வழியாக சென்று விடுகின்றனர்.

இதனிடையே இன்று நாகர்கோவிலில் இருந்து சிவகாசி நோக்கி சென்ற சாதாரண தட பேருந்தில் பயணி ஒருவர் நாங்குநேரி செல்வதற்கு வள்ளியூர் பேருந்து நிலையத்திலிருந்து ஏறியிருக்கிறார். 

மேலும் அவர் நடத்துனரிடம் பயணச்சீட்டு வாங்கியுள்ளார்.இதனிடையே பேருந்து ஓட்டுனர் நாங்குநேரி ஊருக்குள் செல்லாமல் நாங்குநேரி புறவழிச்சாலை வழியாக பாலத்தில் சென்றுள்ளார். 

இதனிடையே பயணி நடத்துனரிடம் சண்டையிட்ட பின் சுமார் ஒரு கிலோமீட்டர் தூரம் பாலத்தில் சென்ற அரசு பேருந்து பின்னோக்கி வந்து மீண்டும் நாங்குநேரி ஊருக்குள் சென்று பயணியை இறக்கி விட்டு சென்றது. 

இதனால் சுமார் அரை மணி நேரம் தாமதமாக பேருந்து பின்னோக்கி வந்து நாங்குநேரி ஊருக்குள் இறக்கி விட்டு சென்றனர். 

மேலும் பேருந்தில் இருந்த மற்ற பயணிகள் ஓட்டுநர் நடத்துநர திட்டாமல் பயணியை திட்டியதால் பரபரப்பு ஏற்பட்டது.